గుడుంబా రహిత గ్రామాలే లక్ష్యం... అక్రమార్కులపై పోలీసుల ఉక్కు పాదం...!

మహ ముత్తారం, మేజర్ న్యూస్, మహాముత్తారం రెడ్డిపల్లి గ్రామంలో అక్రమంగా గుడుంబా తయారీ, నిల్వ మరియు విక్రయాలకు పాల్పడుతున్న ఆరుగురిపై అడవిముత్తారం పోలీసులు ముందస్తు చర్యలు చేపట్టారు.
ఈ క్రమంలో అజ్మీరా రాజు నాయక్ అలియాస్ రాజు కుమార్, అజ్మీరా సునీత, ధర్మసోతు అనిల్, ధర్మసోతు లక్ష్మి, జర్పుల కుమార్, జర్పుల తారాబాయిలను భవిష్యత్తులో ఇలాంటి చట్టవిరుద్ధ కార్యకలాపాలకు పాల్పడకుండా నివారించేందుకు మహాముత్తారం మండల తహసీల్దార్ ఎదుట బైండోవర్ చేశారు.
ఈ సందర్భంగా అడవిముత్తారం పోలీసులు గ్రామ ప్రజలకు అవగాహన కల్పిస్తూ.. అక్రమంగా గుడుంబా తయారు చేయడం, నిల్వ ఉంచడం, విక్రయించడం చట్టరీత్యా నేరమని స్పష్టం చేశారు. ఇలాంటి చట్టవిరుద్ధ కార్యకలాపాలకు పాల్పడే వారిపై చట్టప్రకారం కఠిన చర్యలు తీసుకుంటామని హెచ్చరించారు.
గ్రామాల్లో గుడుంబా వంటి నిషేధిత మత్తు పదార్థాల తయారీ, విక్రయాలను పూర్తిగా అరికట్టేందుకు ప్రజలు పోలీసులకు సహకరించాలని కోరారు.

రిపోర్టర్; దేవేందర్ ,మహా ముత్తారం, జయశంకర్ భూపాలపల్లి జిల్లా