telangana
ఇంద్రానగర్‌ కాలనీలో తీవ్ర నీటి ఎద్దడి !
మూడు రోజులకు ఒకసారి నీరివ్వాలని రావుల కోళ్ల నాగరాజ్ డిమాండ్
గండిపేట్ మేజర్ న్యూస్ :అక్టోబర్ 28
హైదర్షాకోట్ డివిజన్ పరిధిలోని ఇంద్రానగర్‌ కాలనీలో తీవ్ర తాగునీటి ఎద్దడి నెలకొంది. ప్రతి పది రోజులకు ఒకసారి మాత్రమే నీటి సరఫరా జరుగుతుండటంతో బలహీన వర్గాల ప్రజలు తీవ్ర ఇబ్బందులు ఎదుర్కొంటున్నారు. రానున్న వేసవిలో పరిస్థితి మరింత దారుణంగా మారే ప్రమాదం ఉందని ఆందోళన వ్యక్తం చేస్తున్నారు. కనీసం మూడు రోజులకు ఒకసారైనా నీటి సరఫరా చేసేలా అధికారులు తక్షణ చర్యలు తీసుకోవాలని స్థానికులు కోరుతున్నారు. సమస్యను త్వరగా పరిష్కరిస్తామని సంబంధిత అధికారి హామీ ఇచ్చినట్లు తెలిపారు. హామీ అమలు కాకపోతే ధర్నాకు దిగుతామని హెచ్చరించారు. ప్రజలకు తాగునీరు అందించేలా అధికారులు శాశ్వత పరిష్కారం చూపాలని బండ్లగూడ రాజేంద్రనగర్‌ సర్కిల్‌ బీఆర్‌ఎస్‌ అధ్యక్షుడు రావులకోళ్ల నాగరాజ్ కోరారు.
