telangana
హైదరాబాద్ చేరుకున్న సీఎం రేవంత్ రెడ్డి
హైదరాబాద్: తెలంగాణ ముఖ్యమంత్రి ఎ. రేవంత్ రెడ్డి తన ఛత్తీస్గఢ్ పర్యటనను ముగించుకుని మంగళవారం హైదరాబాద్ చేరుకున్నారు. రాయ్పూర్ నుంచి ప్రత్యేక విమానంలో బేగంపేట విమానాశ్రయానికి చేరుకున్న ముఖ్యమంత్రికి పలువురు మంత్రులు, ప్రజాప్రతినిధులు మరియు ఉన్నతాధికారులు ఘనస్వాగతం పలికారు. సీఎం వెంట రాష్ట్ర నీటిపారుదల శాఖ మంత్రి ఎన్. ఉత్తమ్ కుమార్ రెడ్డి కూడా హైదరాబాద్ తిరిగి వచ్చారు.
ఈ పర్యటనలో భాగంగా సీఎం రేవంత్ రెడ్డి, మంత్రి ఉత్తమ్ కుమార్ రెడ్డి రాయ్పూర్లో ఛత్తీస్గఢ్ ముఖ్యమంత్రి విష్ణుదేవ్ సాయితో ప్రత్యేకంగా సమావేశమైన విషయం తెలిసిందే. రాష్ట్ర సాగునీటి రంగంలో కీలకమైన సమ్మక్క సాగర్ బ్యారేజీకి నిరభ్యంతర పత్రం (NOC) జారీ చేయడంతో పాటు, పెండింగ్ అనుమతులను త్వరగా పూర్తి చేయాలని ఈ భేటీలో సీఎం కోరారు. దీనికి ఛత్తీస్గఢ్ సీఎం సానుకూలంగా స్పందించి, ఎన్ఓసీ ప్రక్రియను వేగవంతం చేస్తామని హామీ ఇవ్వడంతో తెలంగాణ ప్రభుత్వానికి పెద్ద ఊరట లభించినట్లయింది. ఈ పర్యటన విజయవంతం కావడంపై రాష్ట్ర అధికార వర్గాల్లో హర్షం వ్యక్తమవుతోంది.