ఉత్సాహంగా కొనసాగుతున్న గ్రంథాలయ వారోత్సవాలు...!
ఉత్సాహంగా కొనసాగుతున్న గ్రంథాలయ వారోత్సవాలు...!
ఈ దినం 17-11-2026 మంగళవారం నాడు 59వ జాతీయ గ్రంథాలయ వారోత్సవాలులో భాగంగా గ్రంథాలయ అధికారి ఎస్. ఉదయ్ కిరణ్ ఆధ్వర్యంలో చిత్రలేఖనం మరియు వ్యాసరచన పోటీలు నిర్వహించడం జరిగింది. ఈ కార్యక్రమానికి ముఖ్య అతిథిగా ప్రధానౌపాధ్యాయులు శ్రీనివాస్ మాస్టారు గారు, శంకర్రావు మాస్టారు గారు , ఉపాధ్యాయులు దుర్యోధనరావు మాస్టారు గారు ,జగన్మోహన్ మాస్టారు గారు విచ్చేశారు. ప్రాథమిక పాఠశాల మరియు హైస్కూల్ విద్యార్థిని, విద్యార్థులకు సీనియర్ , జూనియర్ విభాగాలుగా విభజించి చిత్రలేఖనం పోటీలు మరియు వ్యాసరచన పోటీలు నిర్వహించడం జరిగింది. తదుపరి గ్రంథాలయ అధికారి మాట్లాడుతూ నేటి యువత సోషల్ మీడియా వేదికను దూరం పెట్టీ పుస్తకాలుతో స్నేహం పెంపొందించుకోవాలని కోరారు. కావున ప్రతిఒక్కరి తమ సమయాన్ని దుర్వినియోగం చేసుకోకుండా గ్రంథాలయానికి విచ్చేసి కథలు పుస్తకాలు, న్యూస్ పేపర్ రీడింగ్ అలవర్చుకోవాలని కోరారు.
ఈ కార్యక్రమంలో గ్రంథాలయ సహాయకురాలు కె.రాములమ్మ , స్థానికులు కృష్ణారావు గారు మరియు అధిక సంఖ్యలో విద్యార్థులు పాల్గొన్నారు.