గ్యార్మి వేడుకలు మత సామరస్యానికి ప్రతీక కాంగ్రెస్ రాష్ట్ర నాయకులు వి.చంద్రారెడ్డి

జిన్నారం;గ్యార్మి వేడుకలు మత సామరస్యానికి ప్రతీకగా నిలుస్తాయని రాష్ట్ర కాంగ్రెస్ నాయకులు వి.చంద్రారెడ్డి అన్నారు. ఆదివారం బొల్లారం డివిజన్ పరిధిలోని బీ.సీ కాలనీ హజరత్ గౌస్ ఈ ఆజాం దస్తగీర్ దర్గాలో మైనార్టీ సోదరుల ఆధ్వర్యంలో జరిగిన గ్యార్మి వేడుకల్లో చంద్రారెడ్డి ముఖ్య అతిథిగా పాల్గొని పూలు చాదర్ సమర్పించారు, అనంతరం మత పెద్దలతో కలిసి ప్రత్యేక ప్రార్థనలు నిర్వహించారు. ఈ సందర్భంగా ఆయన మాట్లాడుతూ... హిందూ ముస్లిం సఖ్యతకు గ్యార్మి ఉత్సవాలు నిదర్శనంగా నిలుస్తాయన్నారు. ముస్లింలకు గ్యార్మి శుభాకాంక్షలు తెలిపారు. అనంతరం మైనార్టీ సోదరులు ఆయనను ఘనంగా సన్మానించారు. ఈ కార్యక్రమంలో స్థానిక మాజీ కౌన్సిలర్ గోపాలమ్మ, మైనార్టీ నాయకులు గౌస్, అన్వర్, ఫజీల్, అబ్దుల్, సాదిక్, యాకుబ్, ఖదీర్, బాలమణి, లక్ష్మి, నాయుడు, గణేష్, రాములు, కాలనీవాసులు తదితరులు పాల్గొన్నారు.