గ్రామపంచాయతీ సిబ్బందికి నూతన దుస్తులు పంపిణీ

ధర్మసాగర్ , మేజర్ న్యూస్,
.బతుకమ్మ, దసరా ఉత్సవాలను పురస్కరించుకొని ముప్పారం గ్రామ సర్పంచ్ గుంటిపల్లి రేణుక పలు వర్గాలకు నూతన వస్త్రాలను పంపిణీ చేశారు. ఉప సర్పంచ్, వార్డు సభ్యులు, పంచాయతీ సిబ్బంది, భవానీ మాలధారులు, కోలాటం బృందాలకు ఆమె కానుకలు అందజేశారు.
గ్రామంలోని 12 వార్డుల్లో పనిచేస్తున్న పారిశుధ్య సిబ్బందికి, వారి కుటుంబ సభ్యులకు కొత్త బట్టలు ఇచ్చారు. గ్రామ కమిటీ సభ్యులకు కూడా సర్పంచ్ తన తరఫున నూతన వస్త్రాలు అందించారు. దుర్గా నవరాత్రుల సందర్భంగా 30 మంది కోలాటం కళాకారిణులకు కొత్త చీరలు బహూకరించారు. పంపిణీ కార్యక్రమంలో సర్పంచ్ రేణుక మాట్లాడుతూ, బతుకమ్మ, దసరా ఉత్సవాల విజయవంతానికి ఉత్సవ కమిటీ అద్భుతంగా కృషి చేసిందని ప్రశంసించారు. తాను గ్రామంలో ప్రతి ఒక్కరికీ అందుబాటులో ఉంటానని తెలిపారు. కార్యక్రమంలో ఎస్సై రవీంద్రచారి, ఉప సర్పంచ్ తాళ్లపల్లి కుమారస్వామి గౌడ్, ఉత్సవ కమిటీ కన్వీనర్ గొట్టిముక్కుల సురేష్, మాజీ ఎంపీటీసీ పెద్ది శ్రీనివాస్, మాజీ సర్పంచ్ లక్ష్మి రాజేందర్, వార్డు సభ్యులు పాల్గొన్నారు.

 రిపోర్టర్ ;కొట్టే పద్మయ్య, ధర్మసాగర్, హనుమకొండ జిల్లా