ఘనంగా బాలల దినోత్సవ వేడుకలు.....
మద్దూరు .....మద్దూరు మండలంలోని నర్సాయపల్లి, గాగిల్లాపూర్, రేబర్తి గ్రామాలలో సర్పంచ్ లు శనిగారం సత్యనారాయణ, ఇట్టబోయిన కనక చంద్రం, నీరటి శ్రీనివాస్ ల ఆధ్వర్యంలో శనివారం బాలల దినోత్సవం పురస్కరించుకొని గ్రామసభలు నిర్వహించి బాలల దినోత్సవ వేడుకలను ఘనంగా నిర్వహించారు. ఈ సందర్భంగా వారు మాట్లాడుతూ నేటి బాలలే రేపటి పౌరులని ఉన్నారు. అనంతరం పాఠశాలల భాగస్వామ్యం బాల్యవివాహాల నిర్మూలన బాల కార్మిక నిర్మూలన హింస బాలల పరిరక్షణ ఆరోగ్యం, ఉపాధ్యాయుల పట్ల తల్లిదండ్రుల పట్ల సత్ప్రవర్తన కలిగి ఉండాలని తదితర అంశాలపై బాలలకు అవగాహన కల్పించారు. విద్యార్థులకు మధ్యాహ్న భోజనం పోషక విలువలతో కూడిన ఆహారం అందేలా చూడాలని భోజన నాణ్యత విద్యార్థులు ఆరోగ్యం పట్ల ప్రత్యేక శ్రద్ధ వహించాలని రేబర్తి గ్రామ సర్పంచ్ నీరటి శ్రీనివాస్ సూచించారు. విద్యార్థులు ఎదుర్కొంటున్న సమస్యలను గుర్తించి వారి అభిప్రాయాలను సర్పంచ్లు అడిగి తెలుసుకున్నారు. విద్యార్థులు కష్టపడి చదివి ఉన్నత లక్ష్యాలను సాధించాలని తల్లిదండ్రులకు గురువులకు పాఠశాలకు మంచి పేరు ప్రతిష్టలు తీసుకురావాలని ఆకాంక్షించారు. ఈ కార్యక్రమంలో పంచాయతీ కార్యదర్శి భాస్కర్, ఉప సర్పంచ్ లు గొడుగు బాలరాజు, బియ్య రమేష్, పాఠశాల హెడ్ మాస్టర్ లు హరిప్రసాద్, స్కూల్ టీచర్లు అంగన్వాడీ టీచర్లు సిఏలు, ఆశ వర్కర్లు మా ఆదర్శ పాఠశాల చైర్మన్ లు, పలువురు వార్డు సభ్యులు గ్రామస్తులు తదితరులు పాల్గొన్నారు.
