ఎమ్మెల్యేకు కృతజ్ఞతలు తెలిపిన సర్పంచ్
*విద్యుత్ ట్రాన్స్‌ఫార్మర్‌కు అదనంగా మరో 100 కేవీఏ డీటీర్*
*ఎమ్మెల్యేకు కృతజ్ఞతలు తెలిపిన సర్పంచ్*
గీసుగొండ సెప్టెంబర్ మేజర్ న్యూస్ (సూర్య)మండలం మచ్చపూర్ సెక్షన్ అనంతారం గ్రామంలో ఓవర్‌లోడ్‌తో ఉన్న 100 కేవీఏ విద్యుత్ డిస్ట్రిబ్యూషన్ ట్రాన్స్‌ఫార్మర్‌పై పరకాల ఎమ్మెల్యే రేవూరి ప్రకాష్ రెడ్డి ఆదేశానుసారం అదనంగా మరో 100 కేవీఏ డిస్ట్రిబ్యూషన్ ట్రాన్స్‌ఫార్మర్‌ను ఏర్పాటు చేసి బుధవారం ఛార్జ్ చేశారు. విద్యుత్ లోడ్ సమస్యను పరిష్కరించేందుకు అధికారులు ఈ చర్యలు చేపట్టారు. కార్యక్రమంలో డీఈ బి. దానయ్య, ఏడి ఈ బానోత్ రవినాయక్, ఏఈ సందీప్, లైన్‌మెన్ మల్లికార్జున్, ప్రశాంత్, ఉన్మాన్, కాంట్రాక్టర్ వీరన్న, గ్రామ సర్పంచ్ తాటికాయల సతీష్‌తో పాటు గ్రామ సభ్యులు పాల్గొన్నారు.ఈ సందర్భంగా డీఈ బి. దానయ్య మాట్లాడుతూ గ్రామంలో విద్యుత్‌కు సంబంధించిన ఏవైనా సమస్యలు తలెత్తితే వెంటనే విద్యుత్ సిబ్బంది దృష్టికి తీసుకురావాలని సూచించారు. విద్యుత్ ప్రమాదాల పట్ల ప్రతి ఒక్కరూ అప్రమత్తంగా ఉండాలని, ప్రమాదాల నివారణకు అవసరమైన జాగ్రత్తలు తప్పనిసరిగా పాటించాలని అవగాహన కల్పించారు.అనంతరం గ్రామ సర్పంచ్ తాటికాయల సతీష్ ఆధ్వర్యంలో విద్యుత్ అధికారులను శాలువాలతో ఘనంగా సన్మానించారు.
