డీఎస్సీ–2024 ఉపాధ్యాయులకు ప్రొబేషన్ డిక్లరేషన్ ప్రకటించాలి -ఎస్టీయూ జిల్లా ప్రధాన కార్యదర్శి ఎస్. మధుసూదన్ రెడ్డి
డీఎస్సీ–2024 ద్వారా నియామకమైన ఉపాధ్యాయుల అన్యువల్ గ్రేడ్ ఇంక్రిమెంట్ సమస్యను పరిష్కరించేందుకు, డైరెక్టర్ ఆదేశాల మేరకు ప్రొబేషన్ డిక్లరేషన్ ప్రక్రియను వెంటనే పూర్తి చేయాలని ఎస్టీయూ జిల్లా ప్రధాన కార్యదర్శి ఎస్. మధుసూదన్ రెడ్డి కోరారు.
ఈ మేరకు జిల్లా విద్యాశాఖ అధికారి (డీఈఓ)కు ఆయన వినతిపత్రం సమర్పించారు. డీఎస్సీ–2024 ద్వారా నియామకమైన ఉపాధ్యాయుల ప్రొబేషన్ డిక్లరేషన్ ప్రక్రియ ఆలస్యం కావడం వల్ల అన్యువల్ గ్రేడ్ ఇంక్రిమెంట్ విషయంలో ఇబ్బందులు ఎదురవుతున్నాయని తెలిపారు. డైరెక్టర్ ఆదేశాలను అమలు చేసి, ఉపాధ్యాయులకు న్యాయం చేయాలని డీఈఓను కోరారు.
ప్రొబేషన్ డిక్లరేషన్ ప్రక్రియను త్వరితగతిన పూర్తి చేయడం ద్వారా ఉపాధ్యాయులకు రావాల్సిన వార్షిక గ్రేడ్ ఇంక్రిమెంట్ ప్రయోజనం అందుతుందని ఎస్. మధుసూదన్ రెడ్డి పేర్కొన్నారు. సంబంధిత అధికారులు ఈ అంశంపై తక్షణమే చర్యలు తీసుకోవాలని విజ్ఞప్తి చేశారు.
ఈ కార్యక్రమంలో ఎస్టీయూ రాష్ట్ర ఉపాధ్యక్షులు కే. రమేష్, రాష్ట్ర కార్యదర్శి ఎం. అనిల్ కుమార్ రెడ్డి, జిల్లా నాయకులు మల్లయ్య, నరసింహ, తాడూరు మండల అధ్యక్షులు కే. సురేష్ బాబు, బిజినపల్లి మండల అధ్యక్షులు శేఖర్, వెంకట్ శెట్టి తదితరులు పాల్గొన్నారు.
సందడి రవీందర్ రెడ్డి,నాగర్‌కర్నూల్, రూరల్, సూర్య న్యూస్:
