కంట్రోల్ రూమ్ నుంచి పరిస్థితిని పర్యవేక్షిస్తున్న మున్సిపల్ కమిషనర్ రాహుల్ మీనా

నేటి దినపత్రిక సూర్య బ్యూరో రాజమహేంద్రవరంభారీ వర్షాల నేపథ్యంలో యంత్రాంగం పూర్తి స్థాయిలో అప్రమత్తంగా ఉండాలని కమిషనర్ రాహుల్ మీనా ఆదేశించారు. నగరపాలక కార్యాలయంలో 24/7 ఏర్పాటు చేసిన కమాండ్‌ కంట్రోల్‌ రూంను మంగళవారం రాత్రి ఆయన పరిశీలించారు. తుఫాన్ కారణంగా ఎటువంటి సమస్య ఎదురైనా ప్రజలు 9494060060 నెంబర్ కు ఫోన్ చేసి సమాచారం అందించాలని కోరారు. సిబ్బంది వెంటనే స్పందించి అవసరమైన చర్యలు తీసుకుంటారని చెప్పారు. వర్ష తీవ్రతను నిరంతరం పర్యవేక్షించేందుకు 24 గంటల పాటు పనిచేసేలా కంట్రోల్ రూమ్‌ను మూడు షిఫ్టులలో నిర్వహిస్తున్నట్లు వెల్లడించారు. అలాగే అధికారులు, సిబ్బంది ప్రజలకు ఎలాంటి ఇబ్బందులు తలెత్తకుండా వాతావరణ పరిస్థితులపై అప్రమత్తంగా ఉంటూ.. క్షేత్రస్థాయిలో  పరిస్థితులను ఎప్పటికప్పుడు పర్యవేక్షించటం జరుగుతుందన్నారు. తుఫాన్ ప్రభావంతో ఈదురుగాలులు, భారీ వర్షాలు కురిసే అవకాశం ఉన్నందున ప్రజలు కూడా అప్రమత్తంగా ఉండాలని కోరారు. తుఫాన్ ప్రభావం తగ్గి వాతావరణం ప్రశాంతంగా మారే వరకు ఇళ్ల నుంచి ప్రజలు బయటకు రావద్దని, దూర ప్రయాణాలను వాయిదా వేసుకోవాలని సూచించారు.