39 వ డివిజన్ లో ప్రచారంలో దూసుకుపోతున్న పింకీ జైన్ ... కార్పొరేటర్ గా గెలిపించండి... ఆదర్శవంతమైన డివిజన్ గా చేస్తా....

తిరుపతి, మేజర్ న్యూస్:
తిరుపతి కార్పొరేషన్ ఎన్నికలలో 39 వ డివిజన్ జనసేన  కార్పొరేటర్ అభ్యర్థి పింకీ జైన్  ప్రచారంలో ముందంజలో ఉన్నారు. ఇప్పటికే డివిజన్ పరిధిలోని పలు ప్రాంతాలలో కలియతిరిగి ఇంటి ఇంటికి వెళ్లి తనకు ఓట్లేసి గెలిపిస్తే అభివృద్ధి చేస్తామని కోరారు.  మీ ఇంటి ఆడబిడ్డగా, సోదరిగా, ఆదరించి  గాజు గ్లాస్ గుర్తుకు ఓట్లేసి గెలిపించాలని  కోరారు.
మంగళవారం కార్పొరేషన్ మ కార్పొరేటర్ అభ్యర్థి పింకీ జైన్, జనసేన, టిడిపి, బిజెపి నాయకులు, కార్యకర్తలను వెంటబెట్టుకుని 39 వ డివిజన్ పరిధిలోని  ఓటర్లను అభ్యర్థించారు.  అనంతరం పింకీ జైన్, దినేష్ జైన్ లు మాట్లాడుతూ 
డివిజన్ పరిధిలోని దీర్ఘకాలికంగా ఉన్న సమస్యల పరిష్కారం కోసం ప్రత్యేక దృష్టి సారిస్తానని హామీ ఇచ్చారు. 24 గంటల పాటు ప్రజలకు అందుబాటులో ఉండి సహాయ సహకారాలు అందించేందుకు శక్తివంచన లేకుండా కృషి చేస్తానని  పేర్కొన్నారు.
  మీ అందరికీ అందుబాటులో ఉండి ఒక సోదరిగా, మీ ఇంటి అడ్డుపడుచు గా అభివృద్ధి చేస్తానని, ఒక్క అవకాశం ఇచ్చి గెలిపించాలని ఆమె ఓటర్లను అభ్యర్థించారు. ప్రజా సంక్షేమము అభివృద్ధి లక్ష్యంగా కూటమి ప్రభుత్వం దూసుకుపోతోందని, 
ముఖ్యమంత్రి చంద్రబాబు నాయుడు, జనసేన పార్టీ అధినేత డిప్యూటీ సీఎం పవన్ కళ్యాణ్ ల నేతృత్వంలో రాష్ట్రంలో అభివృద్ధి నెంబర్ వన్ 
గా జరుగుతోందని చెప్పారు. తనను కార్పొరేటర్ గా గెలిపిస్తే రానున్న రోజుల్లో డివిజన్ ను ఆదర్శవంతంగా తీర్చిదిద్దడంతో పాటు అర్హులైన వారందరికీ పార్టీలకతీతంగా సంక్షేమ పథకాలు అందించేలా చొరవ చూపుతానని పేర్కొన్నారు. ఏది ఏమైనా నవంబర్ ఒకటో తేదీ జరగబోయే కార్పొరేషన్ ఎన్నికలలో 39 వ డివిజన్లో తనకు ఓట్లు వేసి వేయించి గెలిపించాలని ఆమె కోరారు. కార్పొరేటర్ గా తనకు ఒక అవకాశం ఇచ్చి గెలిపించాలని అపార్ట్మెంట్ వాసులను, డివిజన్ పరిధిలోని ప్రాంతాలలో పర్యటించి ఓటర్లను కోరారు. ఈ ప్రచార కార్యక్రమంలో జనసేన నాయకులు దినేష్ జైన్ మధు హేమాద్రి రాము కుమార్ తో పాటు జనసేన, బిజెపి, టిడిపి  నాయకులు, కార్యకర్తలు పాల్గొన్నారు.
H. Dwaraka, staff reporter 

Cell no 9705347341