బండి లక్ష్మికి జాజుల శ్రీనివాస్‌గౌడ్‌ నివాళి*

రాజపేట:స్వాతంత్ర్య సమరయోధుడు బండి మల్లయ్య సతీమణి బండి లక్ష్మి మృతికి బీసీ సంక్షేమ సంఘం జాతీయ అధ్యక్షుడు జాజుల శ్రీనివాస్‌గౌడ్‌ సంతాపం తెలిపారు. ఆదివారం రాజపేట మండలం రేణికుంట గ్రామంలో నిర్వహించిన లక్ష్మి దశదిన కర్మకు హాజరై, ఆమె చిత్రపటానికి పూలమాల వేసి నివాళులర్పించారు. అనంతరం కుటుంబ సభ్యులను పరామర్శించి ప్రగాఢ సానుభూతి వ్యక్తం చేశారు. కష్టకాలంలో బాధిత కుటుంబానికి బీసీ సంక్షేమ సంఘం అండగా ఉంటుందని భరోసా ఇచ్చారు. కార్యక్రమంలో సంఘం రాష్ట్ర నాయకులు జూకంటి ప్రవీణ్‌కుమార్‌, కుల్కచర్ల శ్రీనివాస్‌, తాటికొండ విక్రంగౌడ్‌, గూడూరు భాస్కర్‌, పెరపు రాములు, కుటుంబ సభ్యులు బండి మల్లయ్య, బండి స్వామి, బండి శ్రీనివాస్‌ పాల్గొన్నారు.