సూర్య ఉట్నూర్ : ఆదివాసీ మన్యం వీరుడు భగవాన్ బిర్సా ముండా 151వ జయంతి వేడుకలను ఉట్నూరు మండల భాజపా ఆధ్వర్యంలో ఘనంగా నిర్వహించారు. స్థానిక శ్రీ పూలాజీ బాబా డిగ్రీ కళాశాలలో నిర్వహించిన ఈ కార్యక్రమంలో బిర్సా ముండా చిత్రపటానికి నాయకులు పూలమాలలు వేసి నివాళులర్పించారు.
ఈ సందర్భంగా వారు మాట్లాడుతూ.. బ్రిటిష్ పాలనకు వ్యతిరేకంగా పోరాడి, ఆదివాసీల హక్కుల కోసం ప్రాణాలర్పించిన బిర్సా ముండా త్యాగం చిరస్మరణీయమని కొనియాడారు. కార్యక్రమంలో భాజపా మండల అధ్యక్షుడు బింగి వెంకటేశ్, పట్టణ అధ్యక్షుడు తన్నీరు సతీశ్, జిల్లా కార్యదర్శి కొండేరి రమేశ్, గిరిజన మోర్చా రాష్ట్ర కార్యవర్గ సభ్యుడు రాథోడ్ శేషారావు, మండల కార్యదర్శి కాల్వ రవి, నాయకులు సీపతి లింగా గౌడ్, గాలి శ్రీకాంత్, టేకం హరిప్రసాద్, బానోత్ శ్రీనివాస్, పొన్నం జగన్ పటేల్, కనక విజయ్, మహాత్మే మహేందర్, కాలేరి గంగాధర్ తదితరులు పాల్గొన్నారు.
