సూర్య, చింతలమానేపల్లి : మండలంలో నూతనంగా మంజూరైన పింఛన్లకు సంబంధించిన మంజూరు పత్రాలను ఎమ్మెల్యే పాల్వాయి హరీష్ బాబు, ఎమ్మెల్సీ దండే విఠల్ లబ్ధిదారులకు పంపిణీ చేశారు. ఈ సందర్భంగా వారు మాట్లాడుతూ ప్రజా సంక్షేమంతో పాటు గ్రామాల అభివృద్ధికి ప్రాధాన్యత ఇస్తామని తెలిపారు. ప్రజలు తమ దృష్టికి తీసుకొచ్చిన పలు అభివృద్ధి సమస్యలను పరిష్కరిస్తామని, ఇచ్చిన హామీలన్నింటినీ దశలవారీగా నెరవేరుస్తామని భరోసా ఇచ్చారు.
పింఛన్ల వివరాలు: వికలాంగుల పింఛన్లు – 92, ఒంటరి మహిళల పింఛన్లు – 70, వితంతు పింఛన్లు – 289,
మొత్తం 451 మందికి నూతన పింఛన్లు మంజూరు అయ్యాయి. నూతన పింఛన్లు మంజూరు కావడంతో లబ్ధిదారులు హర్షం వ్యక్తం చేశారు. ఈ కార్యక్రమంలో ప్రభుత్వ అధికారులు, వివిధ పార్టీల నాయకులు, కార్యకర్తలు, అభిమానులు, లబ్ధిదారులు తదితరులు పాల్గొన్నారు
