బెంగళూరు వేదికగా కామన్వెల్త్ మహిళా పార్లమెంటేరియన్ల సదస్సు
సూర్య జాతీయ డెస్క్: దేశంలో శాసనసభలలో మహిళల భాగస్వామ్యాన్ని మరింత పటిష్టం చేయడం మరియు వారి నాయత్వ లక్షణాలను పెంపొందించే లక్ష్యంతో ప్రతిష్టాత్మకమైన కామన్వెల్త్ మహిళా పార్లమెంటేరియన్ల (సీడబ్ల్యూపీ) ఇండియా రీజియన్ సదస్సు కర్ణాటక రాజధాని బెంగళూరులో అత్యంత వైభవంగా ప్రారంభం కానుంది. చారిత్రక విధాన్ సౌధ వేదికగా నవంబర్ 17వ తేదీన జరగనున్న ఈ రెండు రోజుల జాతీయ సదస్సును లోక్‌సభ స్పీకర్ ఓం బిర్లా అధికారికంగా ప్రారంభించనున్నారు. దేశవ్యాప్తంగా పార్లమెంట్ మరియు వివిధ రాష్ట్రాల శాసనసభలు, మండలుల నుండి మహిళా ప్రజాప్రతినిధులు పెద్ద సంఖ్యలో ఈ సదస్సుకు హాజరుకానున్నారు.
ఈ సదస్సు ప్రధానంగా 'బలమైన పునాదులు-బలమైన గొంతుకలు' అనే ముఖ్య థీమ్‌ ఆధారంగా కొనసాగనుంది. ఆధునిక కాలంలో మహిళా శాసనసభ్యులు ఎదుర్కొంటున్న సవాళ్లు, డిజిటల్ సాధికారత, సైబర్ భద్రత మరియు మెంటార్‌షిప్ వంటి కీలక అంశాలపై సదస్సులో విస్తృతంగా చర్చించనున్నారు. తొలి రోజు జరిగే ప్లీనరీ సమావేశంలో డిజిటల్ రంగంలో మహిళల సురక్షిత భాగస్వామ్యం మరియు స్మార్ట్ ఎంపికలపై ప్రత్యేకంగా మథనం జరగనుండగా, రెండవ రోజు మహిళా శాసనసభ్యులకు అవసరమైన కెపాసిటీ బిల్డింగ్ మరియు సంస్థాగత మద్దతుపై దిశానిర్దేశం చేయనున్నారు.
ఈ ప్రారంభ వేడుకకు కర్ణాటక ముఖ్యమంత్రి డి.కె. శివకుమార్ ముఖ్య అతిథిగా విచ్చేసి కీనోట్ జెట్ అడ్రస్ అందించనుండగా, శాసనమండలి చైర్మన్ సేహద్ అహ్మద్ స్వాగతోపన్యాసం చేయనున్నారు. వివిధ రాష్ట్రాల నుంచి వస్తున్న మహిళా పార్లమెంట్లు, లెజిస్లేటర్లు తమ అనుభవాలను, ఉత్తమ విధానాలను పరస్పరం పంచుకోవడానికి ఈ వేదిక ఎంతగానో దోహదపడుతుందని నిర్వాహకులు తెలిపారు. రెండు రోజుల పాటు కొనసాగే ఈ సదస్సు నవంబర్ 18వ తేదీన కర్ణాటక గవర్నర్ ముగింపు ఉపన్యాసంతో ఘనంగా ముగియనుంది.
ప్రజాస్వామ్య వ్యవస్థలో మహిళల భాగస్వామ్యాన్ని మరింత ఇనుమడింపజేయడంలో ఈ రకమైన జాతీయ సదస్సులు మైలురాయిలా నిలుస్తాయని రాజకీయ విశ్లేషకులు అభిప్రాయపడుతున్నారు. ముఖ్యంగా రాజకీయాలలోకి కొత్తగా అడుగుపెడుతున్న మహిళా నాయకురాళ్లకు శిక్షణ, మార్గదర్శకత్వం అందించే ప్రణాళికలపై ఈ వేదికపై సమగ్రంగా చర్చ జరగనుంది. దేశంలోని చట్టసభలలో మహిళల గొంతును మరింత గట్టిగా వినిపించడానికి ఈ సదస్సు ఒక శక్తివంతమైన వేదికగా మారుతుందని అంచనా వేస్తున్నారు.
