శౌర్య క్రియేషన్స్ పై సరికొత్త సినిమాలతో డైరెక్టర్, హీరో బోదాసు నరసింహం

ప్రేక్షకులకు సరికొత్త కంటెంట్ అందించేందుకు ముందుకొస్తున్నారు డైరెక్టర్, హీరో బోదాసు నరసింహం. ఆయన తన శౌర్య మీడియా యూట్యూబ్ ఛానెల్ ను ఘనంగా ప్రారంభించారు. ఈ కార్యక్రమంలో మ్యూజిక్ డైరెక్టర్ ప్రణయ్ కుమార్, నిర్మాత తిరుమల దేవి, వెంకటలక్ష్మి, జ్యోతిష్యులు మూర్తి, శ్రీనివాస్, తదితర అతిథులుగా పాల్గొని బోదాసు నరసింహం, ఆయన టీమ్ కు తమ బెస్ట్ విశెస్ అందించారు.

శౌర్య క్రియేషన్స్ బ్యానర్ పై వెబ్ సిరీస్ లు, సినిమాలు రూపొందించబోతున్నారు. ఈ బ్యానర్ లో 'ప్రేమాంజలి' అనే వెబ్ సిరీస్ రాబోతోంది. ఈ వెబ్ సిరీస్ లో బోదాసు నరసింహం హీరోగా నటిస్తుండగా, సభా ఖనన్  హీరోయిన్ గా నటించనుంది. ఈ వెబ్ సిరీస్ కు నందుటి అశోక్ గౌడ్ దర్శకత్వం వహిస్తున్నారు. 'తిండిబోతు దెయ్యం' పేరుతో మరో వినూత్న చిత్రం త్వరలో ప్రారంభం కానుంది. ఈ చిత్రంలో బోదాసు నరసింహం హీరోగా, మౌనిక కథానాయికగా నటిస్తున్నారు. ఈ సినిమాకు బోదాసు నరసింహం దర్శకత్వం వహిస్తున్నారు. ఈ  రెండు ప్రాజెక్ట్స్ కు ప్రణయ్ కుమార్ సంగీతాన్ని అందిస్తున్నారు.

*శౌర్య మీడియా అధినేత, డైరెక్టర్, హీరో బోదాసు నరసింహం మాట్లాడుతూ* - ఈ రోజు మా శౌర్య మీడియా యూట్యూబ్ ఛానెల్ ఆఫీస్ ప్రారంభోత్సవానికి అతిథులుగా వచ్చిన మా మిత్రులు, పెద్దలు అందరికీ కృతజ్ఞతలు. మా శౌర్య క్రియేషన్స్ బ్యానర్ పై కొత్త కథలు, విభిన్నమైన వినోద కార్యక్రమాలు, వెబ్ సిరీస్‌లు, సినిమాలు రూపొందించి ప్రేక్షకులకు నాణ్యమైన వినోదాన్ని అందించడమే లక్ష్యంగా పెట్టుకున్నాం. ఈ మధ్య టైటిల్ ఒకటి, సినిమా మరొకటి ఉంటోంది. కానీ మేము తీసే సినిమాల్లో, వెబ్ సిరీస్ లలో టైటిల్, కథ ఒకటే ఉంటుంది. అన్ని కమర్షియల్ ఎలిమెంట్స్ ఉన్నా, ప్రేక్షకుల్ని నవ్వించాలని అనుకుంటున్నాం. చిన్న పిల్లలు కూడా మా మూవీస్, వెబ్ సిరీస్ లు చూస్తూ నవ్వుకోవాలి. మాకు శుభాకాంక్షలు తెలిపిన అతిథులకు, మిత్రులకు, శ్రేయోభిలాషులకు కృతజ్ఞతలు. అన్నారు.