గతాన్ని వీడి.. బాధ్యతగా జీవించండి

గాజువాక, మేజర్ న్యూస్ : నేరాలకు దూరంగా ఉండి, ఉపాధి మార్గాలను ఎంచుకుని బాధ్యతాయుతమైన పౌరులుగా జీవించాలని గాజువాక సీఐ వాసు నాయుడు రౌడీషీటర్లకు హితవు పలికారు. నగర పోలీస్ కమిషనర్ శంకబ్రత బాగ్చి ఆదేశాల మేరకు స్టేషన్ పరిధిలోని రౌడీషీటర్లకు ఆయన కౌన్సెలింగ్ నిర్వహించారు. ఈ సందర్భంగా వారి ప్రస్తుత జీవన విధానం, కార్యకలాపాలపై ఆరా తీశారు. బెదిరింపులు, దాడులు, భూకబ్జాలు వంటి అసాంఘిక కార్యకలాపాలకు పాల్పడినా, యువతను తప్పుదోవ పట్టించినా ఉపేక్షించేది లేదని స్పష్టం చేశారు. రౌడీషీటర్ల కదలికలపై నిరంతరం నిఘా ఉంటుందని, ప్రజా శాంతిభద్రతలకు విఘాతం కలిగిస్తే చట్టప్రకారం కఠిన చర్యలు తప్పవని హెచ్చరించారు.

రిపోర్టర్ : పీ.కోటిరెడ్డి, గాజువాక, విశాఖపట్నం