విశ్వశాంతి పాఠశాలలో బాలల దినోత్సవం

భట్టిప్రోలు, మేజర్ న్యూస్: మండల కేంద్రమైన భట్టిప్రోలు లోని విశ్వశాంతి ఇంగ్లీష్ మీడియం హై స్కూల్ ప్రాంగణములో  దేశ తొలి ప్రధాని పండిట్ జవహర్‌లాల్ నెహ్రూ జయంతిని పురస్కరించుకుని 'బాలల దినోత్సవ వేడుకలు' అత్యంత వైభవంగా, కోలాహలంగా జరిగాయి.
ఈ కార్యక్రమానికి ముఖ్య అతిథి గా ఎంఈఓ దేవరాజు  విచ్చేసి, నెహ్రూ చిత్రపటానికి పూలమాలలు వేసి నివాళులర్పించారు. అనంతరం ఆయన మాట్లాడుతూ, నేటి బాలలే రేపటి పౌరులని, విద్యార్థులు చిన్నప్పటి నుండే క్రమశిక్షణతో పాటు సృజనాత్మకతను పెంపొందించుకోవాలని సూచించారు. చదువుతో పాటు క్రీడలు, సాంస్కృతిక రంగాలలో కూడా రాణించాలని ఆకాంక్షించారు.
ఆకట్టుకున్న సాంస్కృతిక కార్యక్రమాలు:
ఈ సందర్భంగా విద్యార్థులు ప్రదర్శించిన నృత్యాలు, దేశభక్తి గీతాలు, నాటికలు మరియు ఫ్యాన్సీ డ్రెస్ పోటీలు ఆహుతులను ఎంతగానో ఆకట్టుకున్నాయి. పాఠశాల ఆవరణ అంతా విద్యార్థుల కేరింతలతో పండుగ వాతావరణాన్ని తలపించింది. అనంతరం వివిధ పోటీలలో గెలుపొందిన విద్యార్థులకు బహుమతులు ప్రదానం చేశారు.
ఈ కార్యక్రమంలో పాఠశాల కరస్పాండెంట్ ఎంపీ.వెంకటరావు , ప్రిన్సిపాల్ యన్. వెంకటప్పయ్య, ప్రధానోపాధ్యాయులు ఫణిపార్ధసారధి మరియు ఉపాధ్యాయులు, విద్యార్థుల తల్లిదండ్రులు మరియు విద్యార్థులు పెద్ద సంఖ్యలో పాల్గొని కార్యక్రమాన్ని విజయవంతం చేశారు.