బాధిత గౌడ కుటుంబానికి రూ. 15,000 ఆర్థిక సహాయం
సూర్య బోయినిపల్లి మండలం మల్కాపూర్ గ్రామానికి చెందిన పల్లెర్ల పెద్ద నారాయణ గౌడ్ గత కొద్ది రోజుల క్రితం తాటి చెట్టుపై నుంచి జారిపడి మరణించారు. ఈ విషయం తెలిసిన వెంటనే మండల గౌడ సంఘం సభ్యులు బాధిత కుటుంబాన్ని పరామర్శించారు.
బాధిత కుటుంబానికి తమ వంతుగా రూ. 15,000 ఆర్థిక సహాయాన్ని అందజేశారు. “మేమున్నాం” అంటూ కుటుంబానికి భరోసా కల్పించారు.ఈ సందర్భంగా మండల గౌడ సంఘం అధ్యక్షులు, స్తంభంపల్లి సర్పంచ్ బొంగాని అశోక్ గౌడ్ మాట్లాడుతూ, గౌడ కులస్తులంతా ఒకే తాటిపై నిలిచి మన వారికి ఏ సమస్య ఎదురైనా పరిష్కారం చూపే దిశగా అడుగులు వేయాలని అన్నారు. ప్రభుత్వం బాధిత కుటుంబాన్ని అన్ని విధాలుగా ఆదుకోవాలని కోరారు.ఈ కార్యక్రమంలో గౌడ సంఘం నాయకులు తడగొండ సర్పంచ్ ఉయ్యాల శ్రీనివాస్ గౌడ్, మండల కోశాధికారి మెరుపుల గంగాధర్ గౌడ్, జిల్లా గౌడ సంఘం కార్యదర్శులు నాగుల సాంబయ్య గౌడ్, బండారి మహేందర్ గౌడ్, మల్కాపూర్ గ్రామ గౌడ సంఘం సభ్యులు తదితరులు పాల్గొన్నారు.