జర్నలిస్టులకు అండగా ఉంటా:AMC చైర్మన్ శ్రీనివాస్ ముదిరాజ్
వికారాబాద్, మేజర్ న్యూస్: తెలంగాణ యూనియన్ ఆఫ్ వర్కింగ్ జర్నలిస్ట్స్ (TUWJ) వికారాబాద్ జిల్లా అధ్యక్షుడిగా నూతనంగా ఎన్నికైన కొత్తపల్లి శ్రీధర్ ని గురువారం వికారాబాద్ వ్యవసాయ మార్కెట్ కమిటీ (AMC) చైర్మన్ శ్రీనివాస్ ముదిరాజ్ ఘనంగా సన్మానించారు. ఈ సందర్భంగా వికారాబాద్ AMC కార్యాలయంలో కొత్తపల్లి శ్రీధర్కు శాలువా తో సన్మానించి శుభాకాంక్షలు తెలిపారు. ఈ సందర్భంగా మార్కెట్ కమిటీ చైర్మన్ శ్రీనివాస్ ముదిరాజ్ మాట్లాడుతూ.. సమాజంలో జర్నలిస్టుల పాత్ర ఎంతో కీలకమని, ప్రజా సమస్యలను ప్రభుత్వాల దృష్టికి తీసుకెళ్లడంలో మీడియా వారధిగా నిలుస్తుందని అన్నారు. ప్రజా సమస్యలను నిర్భయంగా వెలుగులోకి తీసుకువస్తూ ప్రజలకు, ప్రభుత్వానికి మధ్య వారధిగా పనిచేస్తున్న జర్నలిస్టులకు ఎల్లప్పుడూ తన సహాయ సహకారాలు ఉంటాయని హామీ ఇచ్చారు. జర్నలిస్టుల సమస్యల పరిష్కారానికి తన వంతు సహకారం అందిస్తానని తెలిపారు. నూతనంగా జిల్లా అధ్యక్ష బాధ్యతలు చేపట్టిన కొత్తపల్లి శ్రీధర్ జర్నలిస్టుల సంక్షేమం, హక్కుల పరిరక్షణ కోసం కృషి చేయాలని ఆకాంక్షించారు.ఈ కార్యక్రమంలో జర్నలిస్టులు చుక్కయ్య,వెంకట్,p.అశోక్, గొడుగు అశోక్ తదితరులు పాల్గొన్నారు.