అప్పాల బాలయ్య యాదవ్కు ప్రముఖుల నివాళులు నేడు పంజాగుట్ట స్మశానవాటికలో అంత్యక్రియలు
జూబ్లీహిల్స్, మేజర్ న్యూస్ : కాంగ్రెస్ పార్టీ సీనియర్ నాయకులు అప్పాల బాలయ్య యాదవ్ అనారోగ్యంతో శనివారం మృతి చెందిన విషయం తెలిసిందే. ప్రజలు, నాయకులు, అభిమానుల సందర్శనార్థం ఆయన పార్థివదేహాన్ని నివాసంలో ఉంచారు. సోమవారం పంజాగుట్ట స్మశానవాటికలో ఆయన అంత్యక్రియలు నిర్వహించనున్నట్లు కుటుంబ సభ్యులు తెలిపారు.
ఆదివారం పలువురు రాజకీయ ప్రముఖులు, న్యాయవాదులు బాలయ్య యాదవ్ పార్థివదేహానికి పూలమాలలు వేసి ఘనంగా నివాళులర్పించారు. మాజీ సీఎం కేసీఆర్ కుమార్తె కల్వకుంట్ల కవిత, ఆమె భర్త అనిల్ కుమార్, బీఆర్ఎస్ (టీఆర్ఎస్) హైదరాబాద్ అధ్యక్షుడు చంద్రశేఖర్, రాష్ట్ర కో-ఆర్డినేటర్ నవీనాచారి, మహారాష్ట్ర అధ్యక్షుడు సులిగి శ్రీనివాస్, ఎన్ఆర్ఐ విభాగం అధ్యక్షుడు కిషోర్ తదితరులు హాజరై నివాళులర్పించి, కుటుంబ సభ్యులకు ప్రగాఢ సానుభూతిని తెలియజేశారు.
అలాగే జూబ్లీహిల్స్ మాజీ ఎమ్మెల్యే విష్ణువర్ధన్ రెడ్డి, హైకోర్టు న్యాయవాదులు చంద్రశేఖర్, శ్రీనివాస్ కూడా బాలయ్య యాదవ్ భౌతికకాయానికి నివాళులర్పించారు. విష్ణువర్ధన్ రెడ్డి అంత్యక్రియల ఏర్పాట్లను సమీక్షించారు. ఈ సందర్భంగా స్థానిక ప్రజలు,బంధువులు, పార్టీ కార్యకర్తలు పెద్ద సంఖ్యలో తరలివచ్చి ఆయనకు కడసారి వీడ్కోలు పలికారు.