telangana
గోసంరక్షణతోనే గ్రామీణ ఆర్థికాభివృద్ధి సాధ్యం: గవర్నర్
హైదరాబాద్, మేజర్ న్యూస్ ప్రతినిధి : గోసంరక్షణను సామాజిక, ఆర్థిక, పర్యావరణ బాధ్యతగా ప్రతి ఒక్కరూ గుర్తించాలని గవర్నర్ శివప్రతాప్ శుక్లా పిలుపునిచ్చారు . భారత గ్రామీణ ఆర్థిక వ్యవస్థలో గోవు కీలక పాత్ర పోషిస్తుందని, గోవిజ్ఞానాన్ని ఆధునిక సాంకేతికతతో అనుసంధానించినప్పుడే ఆత్మనిర్భర్ భారత్ లక్ష్యం సాధ్యమవుతుందని పేర్కొన్నారు.
ఆదివారం నారాయణగూడలోని సర్దార్ పటేల్ ఆడిటోరియం లో నిర్వహించిన రాష్ట్రస్థాయి 'గోవిజ్ఞాన పరీక్షలు–2026' బహుమతుల ప్రదానోత్సవంలో గవర్నర్ ప్రసంగించారు. గోసంరక్షణ ద్వారా గ్రామీణ ఆర్థిక వ్యవస్థను బలోపేతం చేయవచ్చని అభిప్రాయపడ్డారు. అనంతరం పరీక్షల్లో ప్రతిభ కనబరిచిన విద్యార్థులకు బహుమతులు అందజేశారు. కార్యక్రమంలో కేంద్ర మంత్రి బండి సంజయ్కుమార్ తదితరులు పాల్గొన్నారు.