telangana
జనసేవా సంఘ్ చెత్ పూజా సమితి ఆధ్వర్యంలో ఘనంగా చెత్ పూజ
హైదరాబాద్, ఆల్వాల్, మేజర్ న్యూస్ : మల్కాజిగిరి పార్లమెంట్ సభ్యులు ఈటల రాజేందర్
మేడ్చల్ మండలం, అత్వెల్లి చెరువు వద్ద "జన సేవ సంఘ్ చత్ పూజ సమితి" ఆధ్వర్యంలో ఘనంగా "చత్ పూజ" మహోత్సవం నిర్వహించారు. కార్యక్రమం లో ముఖ్య అతిథిగా మల్కాజ్గిరి పార్లమెంట్ సభ్యులు ఈటల రాజేందర్ పాల్గొని ప్రత్యేక పూజలు నిర్వహించారు.అనంతరం ఆయన మాట్లాడుతూ
సూర్య భగవానుడికి మరియు ఆయన సోదరి ఛటీ మైయా (సృష్టి దేవి)కి కృతజ్ఞతలు తెలిపే అద్భుతమైన ప్రాచీన పండుగ చత్ పూజ అని తెలిపారు.
భూమిపై జీవకోటికి శక్తిని ప్రసాదించే సూర్యకాంతికి, జల వనరులకు గౌరవం ఇస్తూ ఈ పూజను అత్యంత భక్తిశ్రద్ధలతో నిర్వహిస్తారు.కుల, మత, ప్రాంతీయ భేదాలకు అతీతంగా ప్రజలంతా ఒక్కచోట చేరి నదులు, చెరువుల వద్ద ఉదయ, సాయంత్ర వేళల్లో సూర్యునికి అర్ఘ్యం సమర్పించే ఈ వేడుక మనదేశం యొక్క గొప్ప సంస్కృతికి, సామాజిక సమైక్యతకు ప్రతీకగా నిలుస్తుంది అని ఎంపీ ఈటల రాజేందర్ గారు అన్నారు.
ఈ కార్యక్రమంలో మేడ్చల్ జిల్లా మాజీ అధ్యక్షులు విక్రమ్ రెడ్డి , నాయకులు అమరం మోహన్ రెడ్డి , జన సేవ సంఘ్ చత్ పూజ సమితి అధ్యక్షులు బిస్వజీత్ సింగ్, ఉపాధ్యక్షులు ఎస్. ఏ. ఖాన్ , కార్యదర్శి సురేష్ పండిట్ , కోశాధికారి సుశీల్ తదితరులు పాల్గొన్నారు.