ఆత్మరక్షణ, ఆత్మవిశ్వాసంతో ధైర్యంగా ఉండాలి తూప్రాన్ డిఎస్పి నరేందర్ గౌడ్
తూప్రాన్; ; బాలికలు ఆత్మ రక్షణతో ఆత్మవిశ్వాసంతో ధైర్యంగా ఉండాలని తూప్రాన్ డిఎస్పి నరేందర్ గౌడ్ తెలిపారు .తూప్రాన్ బాలికల ఉన్నత పాఠశాలలో విద్యార్థులకు అవగాహన కార్యక్రమంలో పాల్గొని ప్రసంగించారు. విద్యార్థినులకు ఆత్మరక్షణ యొక్క ప్రాముఖ్యతను వివరిస్తూ, ప్రతి విద్యార్థిని ఆత్మవిశ్వాసంతో, ధైర్యంగా ఉండాలని సూచించారు. ఎలాంటి పరిస్థితుల్లోనైనా భయపడకుండా, అప్రమత్తంగా వ్యవహరించాలని, తమకు ఎదురయ్యే సమస్యలను ధైర్యంగా ఎదుర్కోవాలని తెలిపారు. వ్యక్తిగత భద్రత పట్ల అవగాహన కలిగి ఉండటంతో పాటు, ఆపద సమయంలో సమయస్ఫూర్తితో నిర్ణయాలు తీసుకోవడం ఎంతో ముఖ్యమని వివరించారు.అదేవిధంగా విద్యార్థినులు తమలోని ఆత్మవిశ్వాసాన్ని పెంపొందించుకొని, ఇతరులపై ఆధారపడకుండా తమను తాము రక్షించుకునే సామర్థ్యాన్ని పెంచుకోవాలని సూచించారు.ఈ కార్యక్రమంలో తూప్రాన్ ఎంఈఓ సత్యనారాయణ , ఎస్సై గంగరాజు ఎస్ఐ జ్యోతి, షీ టీమ్ సభ్యురాలు స్వరూప, పోలీసు సిబ్బంది మరియు పాఠశాల అధ్యాపకురాలు పాల్గొన్నారు.అనంతరం కరాటే శిక్షకులు భిక్షపతి మరియు నైనీష విద్యార్థినులకు ఆత్మరక్షణకు సంబంధించిన వివిధ పద్ధతులపై ప్రాక్టికల్ డెమో ప్రదర్శించి, ఆపద సమయాల్లో వాటిని ఎలా ఉపయోగించుకోవాలో వివరించారు.