టూటౌన్ సీఐని కలిసిన 47వ వార్డ్ కౌన్సిలర్ రెడ్డి కేశవ : టిడిపి నాయకులతో కలిసి ఘనసన్మానం
మదనపల్లె టౌన్,మేజర్ న్యూస్ : రెండవ పట్టణ సీఐ గోపాల్ రెడ్డి,ఎస్.ఐ నాగేశ్వరరావులను బుధవారం 47వ వార్డు కౌన్సిలర్ రామిశెట్టి రెడ్డి కేశవ (కమలామర్రి),వార్డు అధ్యక్షులు రామిశెట్టి కృష్ణ (కమలామర్రి),విశ్వనాథ్,రామిశెట్టి రెడ్డి శేఖర్,టీడీపీ యువ నాయకులతోపాటు మర్యాదపూర్వకంగా కలిశారు.ఈ సందర్భంగా కౌన్సిలర్ రెడ్డి కేశవ మాట్లాడుతూ 47వ వార్డు పరిధిలో ప్రజల భద్రత,శాంతిభద్రతల పరిరక్షణకు సహకరించాలని కోరారు.ఎస్పీ ధీరజ్ కునుబిల్లి ప్రత్యేక చొరవతో మదనపల్లి పట్టణంలో ప్రశాంత వాతావరణం చోటు చేసుకుంటుందన్నారు.ఎమ్మెల్యే షాజహాన్ బాషా సహకారంతో పోలీస్ శాఖ సమర్థవంతంగా పనిచేస్తోందని కొనియాడారు.అనంతరం సిఐ గోపాల్ రెడ్డి మాట్లాడుతూ ప్రజలు అసాంఘిక కార్యకలాపాలకు దూరంగా ఉండి ప్రశాంతంగా జీవించాలని,యువత డ్రగ్స్,చెడు అలవాట్లకు బానిసలు కాకుండా సన్మార్గంలో నడవాలని సూచించారు.పట్టణంలో నేరాల నియంత్రణ,శాంతిభద్రతల పరిరక్షణకు ప్రజాప్రతినిధుల సహకారం అందించాలని కోరారు.
రిపోర్టర్ : కే.ఈశ్వర్ రెడ్డి,మదనపల్లి నియోజకవర్గం ఇంచార్జి