ప్రజల నమ్మకాన్ని నిలబెట్టాలి
- ఎంపీటీసీల ప్రమాణస్వీకారంలో పాల్గొన్న మంత్రి అచ్చెన్నాయుడు
- ఎంపీపీగా రామక్రిష్ణ, వైస్ ఎంపీపీ యమునారెడ్డి
కోటబొమ్మాళి, నవంబరు 19, మేజర్ న్యూస్:
ప్రజలు తమపై ఉంచిన నమ్మకాన్ని నిలబెట్టుకుంటూ గ్రామాల అభివృద్ధే లక్ష్యంగా ప్రజాప్రతినిధులు నిరంతరం కృషి చేయాలని రాష్ట్ర వ్యవసాయశాఖ మంత్రి కింజరాపు అచ్చెన్నాయుడు పిలుపునిచ్చారు. కోటబొమ్మాళి మండల పరిషత్ సమావేశ మందిరంలో గురువారం జరిగిన కార్యక్రమంలో నూతనంగా ఎన్నికైన 21 మంది ఎంపీటీసీ సభ్యులచే ఎన్నికల రిటర్నింగ్ అధికారి కె. జగన్మోహన్రావు, ఎంపీడీవో కిల్లారి నారాయణరావు ప్రమాణస్వీకారం చేయించారు. అనంతరం ఎంపీపీ చాంబర్లో నిర్వహించిన ఎన్నికలో మండల పరిషత్ అధ్యక్షుడిగా (ఎంపీపీ) తర్ర రామక్రిష్ణ, ఉపాధ్యక్షురాలిగా (వైస్ ఎంపీపీ) కల్లి యమునారెడ్డి, మండల విప్గా బొడ్డాపు రాంబాబు ఏకగ్రీవంగా ఎన్నికయ్యారు. ఈ సందర్భంగా నూతనంగా బాధ్యతలు స్వీకరించిన ఎంపీపీ, వైస్ ఎంపీపీ, ఎంపీటీసీ సభ్యులకు మంత్రి అచ్చెన్నాయుడితో పాటు పలువురు ప్రజాప్రతినిధులు అభినందనలు తెలిపారు. ఈ కార్యక్రమంలో రాష్ట్ర కళింగ వైశ్య కార్పొరేషన్ చైర్మన్ బోయిన గోవిందరాజులు, జిల్లా రైస్ మిల్లర్ల సంఘం అధ్యక్షుడు బోయిన రమేష్, జడ్పీటీసీ పూజారి శైలజ, మాజీ పీఏసీఎస్ అధ్యక్షుడు కింజరాపు హరివరప్రసాద్, పీఏసీఎస్ అధ్యక్షురాలు వెలమల విజయలక్ష్మి, తెలుగుదేశం పార్టీ నేతలు కల్లి నాగయ్యరెడ్డి, కల్లి లక్ష్మణరెడ్డి, బోయిన సత్యశ్రీనివాస్ తదితరులు పాల్గొన్నారు.