నూతన ఎంపీపీకి ప్రెస్ క్లబ్ ఘన సన్మానం
సంతబొమ్మాళి, నవంబర్ 19, మేజర్ న్యూస్ :
సంతబొమ్మాళి మండల పరిషత్ నూతన అధ్యక్షుడిగా (ఎంపీపీ) పదవీ బాధ్యతలు స్వీకరించిన సుగ్గు శాంతి స్వరూప్ రెడ్డిని సంతబొమ్మాళి ప్రెస్ క్లబ్ సభ్యులు గురువారం ఘనంగా సన్మానించారు. ఈ సందర్భంగా ఆయనకు శుభాకాంక్షలు తెలియజేస్తూ శాలువా కప్పి అభినందనలు తెలిపారు.
ఈ సందర్భంగా పలువురు పాత్రికేయులు మాట్లాడుతూ నూతన పాలకవర్గం సారథ్యంలో సంతబొమ్మాళి మండలం అభివృద్ధి పథంలో ముందుకు సాగాలని ఆకాంక్షించారు. ప్రజల ఆశలు, ఆకాంక్షలకు అనుగుణంగా పాలన సాగిస్తూ, గ్రామీణ ప్రాంతాల అభివృద్ధికి ప్రాధాన్యత ఇవ్వాలని సూచించారు. ప్రజా సమస్యల పరిష్కారంలోనూ, మండల సమగ్ర అభివృద్ధిలోనూ ఎంపీపీ తనదైన చొరవ చూపాలని ఆకాంక్షించారు.
ఈ కార్యక్రమంలో ప్రెస్ క్లబ్ గౌరవ అధ్యక్షుడు కర్రి శంకర్ రెడ్డి, అధ్యక్షుడు దుపాన గౌరీ శంకర్ రెడ్డి, కార్యదర్శి పాండవ సంతోష్, సభ్యులు చంద్రశేఖర్, జోగారావు, ప్రసాద్, రింకు తదితరులు పాల్గొన్నారు.