హాజీపూర్ ఎంపీడీవో కార్యాలయంలో టీఎన్జీవో సభ్యత్వ నమోదు
సూర్య మంచిర్యాల :టీఎన్జీవో మంచిర్యాల జిల్లా అధ్యక్షుడు గడియారం శ్రీహరి ఆధ్వర్యంలో హాజీపూర్ ఎంపీడీవో కార్యాలయంలో సభ్యత్వ నమోదు కార్యక్రమం నిర్వహించారు.ఈ సందర్భంగా పంచాయతీరాజ్ శాఖలో పనిచేస్తున్న 15 మంది నాన్ గెజిటెడ్ ఉద్యోగులు టీఎన్జీవో సంఘంలో సభ్యత్వం తీసుకున్నారు.ఈ సందర్భంగా జిల్లా అధ్యక్షుడు గడియారం శ్రీహరి మాట్లాడుతూ ఉద్యోగుల సమస్యల పరిష్కారానికి టీఎన్జీవో సంఘం ఎల్లప్పుడూ కృషి చేస్తుందని తెలిపారు.మంచిర్యాల జిల్లాలో మిగిలిన యూనిట్లలోనూ త్వరలో సభ్యత్వ నమోదు ప్రక్రియను పూర్తి చేసి రాష్ట్రంలోనే జిల్లాను మొదటి స్థానంలో నిలిపేందుకు కృషి చేస్తామని పేర్కొన్నారు.ఉద్యోగుల సంక్షేమంతో పాటు సంఘటిత శక్తితో మంచిర్యాల జిల్లాను రాష్ట్రానికే ఆదర్శంగా తీర్చిదిద్దడమే లక్ష్యమని అన్నారు.ఈ కార్యక్రమంలో టీఎన్జీవో జిల్లా కార్యదర్శి బొడ్డు శ్రావణ్,కేంద్ర సంఘం కార్యదర్శి పొన్న మల్లయ్య,అసోసియేట్ అధ్యక్షుడు శ్రీపతి బాపురావు,ఉపాధ్యక్షుడు నరేందర్, మంచిర్యాల యూనిట్ అధ్యక్షుడు నాగుల గోపాల్,కార్యదర్శి అజయ్,మందమర్రి యూనిట్ అధ్యక్షుడు సుమన్,పంచాయతీరాజ్ ఉద్యోగులు పాల్గొన్నారు.