వైభవంగా కొనసాగుతున్న బ్రహ్మోత్సవాలు

జిహెచ్ఎంసి జల్ పల్లి సర్కిల్ పరిధి, మామిడిపల్లి శ్రీ బాలాజీ వెంకటేశ్వర స్వామి ఆలయంలో బ్రహ్మోత్సవాలు వైభవంగా కొనసాగుతున్నాయి. శ్రీ బాలాజీ వెంకటేశ్వర స్వామి బ్రహ్మోత్సవాలను పురస్కరించుకొని రెండవ రోజు సోమవారం వేద పండితుల మంత్రోచ్ఛరణల మధ్య ధ్వజారోహణం, అగ్ని ప్రతిష్ట, ఆవాసనం కార్యక్రమాలు ఘనంగా నిర్వహించారు. సాయంత్రం విష్ణు సహస్రనామ పారాయణం, దేవత ఆహ్వాన కార్యక్రమాలు నిర్వహించారు. 13న మంగళవారం ఉదయం 11గంటలకు స్వామివారి తిరు కళ్యాణం జరగనుందని, ఈ వేడుకలకు వివిధ రాజకీయ నాయకులు, మామిడిపల్లి గ్రామ పెద్దలు, నగర శివారు  ప్రాంతాల నుంచి భక్తులు పెద్ద ఎత్తున హాజరవుతారని ఆలయ చైర్మన్ కళ్లెం నరేష్ గౌడ్ తెలిపారు. ఈ కళ్యాణ మహోత్సవాన్ని వీక్షించేందుకు భక్తులు పెద్ద సంఖ్యలో వచ్చి స్వామివారి కల్యాణాన్ని వీక్షించాలని కోరారు. ఈ కార్యక్రమంలో ఈఓ మురళీకృష్ణ, ఆలయ కమిటీ సభ్యులు చీమలదారి చెన్నయ్య, గొండ్యాల శేఖర్ ముదిరాజ్, ఎలిగపల్లి అనిత, కానుగుల భాస్కర్, గుర్జని రాధిక, అర్చకులు ఉండేకారి సుధీర్ కుమార్, నాయకులు లాల్ సతీష్ గౌడ్, విజయ్ గౌడ్ తదితరులు పాల్గొన్నారు.                 

-అంకం జగన్ : మేజర్ న్యూస్, జల్ పల్లి.