ఉచిత వైద్య శిబిరానికి విశేష స్పందన

సూర్య - మానకొండూర్ :పేద ప్రజల ఆరోగ్య రక్షణే ధ్యేయంగా మానకొండూరు మండలం ఊటూరు గ్రామంలో సోమవారం నిర్వహించిన ఉచిత మెగా కంటి, దంత, జనరల్ వైద్య శిబిరానికి గ్రామీణుల నుంచి విశేష స్పందన లభించింది. ఊటూరు గ్రామానికి చెందిన రామగుండం లయన్స్ క్లబ్ పూర్వ జిల్లా గవర్నర్, సొసైటీ మాజీ చైర్మన్ ముద్దసాని ప్రదీప్ రెడ్డి, ముద్దసాని ప్రమోద్ రెడ్డి, లక్ష్మా రెడ్డి సోదరులు తమ తల్లి కీ.శే. ముద్దసాని వసుమతి దేవి స్మారకార్థం ఈ శిబిరాన్ని ఏర్పాటు చేశారు. కరీంనగర్, రామగుండం లయన్స్ క్లబ్స్ ఆధ్వర్యంలో, రేకుర్తి ఐ హాస్పిటల్, వెంకటాద్రి హాస్పిటల్ వారి సౌజన్యంతో జరిగిన ఈ శిబిరంలో మొత్తం 167 మందికి ఉచితంగా కంటి పరీక్షలు, దంత చికిత్సలు చేసి, అవసరమైన వారికి ఉచితంగా కళ్లద్దాలు, మందులను పంపిణీ చేశారు. వీరిలో తీవ్ర కంటి సమస్యలతో బాధపడుతూ ఆపరేషన్లు అవసరమైన 30 మందిని గుర్తించి, రేకుర్తి కంటి ఆసుపత్రి వాహనంలో ఉచిత శస్త్రచికిత్సల కోసం తరలించారు.ఈ కార్యక్రమంలో ప్రోగ్రామ్ చైర్మన్ లయన్ పెద్ది విద్యాసాగర్ పీఎంజేఎఫ్, పిఆర్సీ, ప్రోగ్రామ్ కో-చైర్మన్ లయన్ చీర్లవంచ సంపత్ కుమార్, ప్రోగ్రామ్ కోఆర్డినేటర్ లయన్ ముద్దసాని ప్రదీప్ రెడ్డి, లయన్ మ్యాడం శివకాంత్ పీఎంజేఎఫ్ పాల్గొన్నారు. అలాగే కరీంనగర్ లయన్స్ క్లబ్ అధ్యక్షులు లయన్ బట్టు వినోద్ ఎంజేఎఫ్, కార్యదర్శి లయన్ మేతుకు కృష్ణ చైతన్య ఎంజేఎఫ్, కోశాధికారి లయన్ టి. కార్తీక్, మరియు రామగుండం లయన్స్ క్లబ్ అధ్యక్షులు లయన్ బంక్క కళావతి, కార్యదర్శి లయన్ కాజంపురం జయప్రద, కోశాధికారి లయన్ వడ్లకొండ ఉమారాణి తదితరులు పాల్గొని శిబిరాన్ని విజయవంతం చేశారు..