telanagana
ట్విట్టర్ వేదికగా స్పందించిన కేటీఆర్ అనంతగిరి ఘాట్‌ బస్సు ప్రమాదంపై తీవ్ర దిగ్భ్రాంతి
వికారాబాద్ జిల్లా ప్రతినిధి, మేజర్ న్యూస్( అక్టోబర్ 3): వికారాబాద్ జిల్లా అనంతగిరి ఘాట్‌లో జరిగిన బస్సు ప్రమాదంపై బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్ ట్విట్టర్ వేదికగా స్పందించారు. ప్రమాదంలో ముగ్గురు మృతి చెందడం, పలువురు గాయపడటం తనను తీవ్రంగా కలచివేసిందని పేర్కొన్నారు.
మృతుల కుటుంబాలకు ప్రగాఢ సానుభూతి తెలిపారు. గాయపడిన వారు త్వరగా కోలుకోవాలని ఆకాంక్షించారు. గాయపడిన వారికి అత్యవసర వైద్య సహాయం అందించేందుకు సహాయక చర్యల్లో చురుగ్గా పాల్గొనాలని స్థానిక బీఆర్‌ఎస్‌ నాయకత్వానికి కేటీఆర్ సూచించారు.క్షతగాత్రులను వెంటనే రక్షించి, వారికి అవసరమైన వైద్య సాయం అందేలా చూడాలని, బాధిత కుటుంబాలకు అండగా నిలవాలని కేటీఆర్ సూచించారు.
