ఎమ్మెల్సీ ఓటే ఆయుధం....పేర్లు నమోదు చేసుకోండి

*పట్టభద్రులారా.. నవంబర్‌ 6లోపు ఓటరు జాబితాలో పేరు చేర్పించుకోండి*

*ప్రభుత్వ హామీల అమలుపై ఓటుతో ప్రశ్నించాలి: ఇప్ప పృథ్వి రెడ్డి*

దేవరుప్పుల అక్టోబర్ 03 మేజర్ న్యూస్ (సూర్య):

అర్హత కలిగిన పట్టభద్రులు గ్రాడ్యుయేట్ ఎమ్మెల్సీ ఓటర్ల జాబితాలో తమ పేర్లను నమోదు చేసుకోవాలని ఉస్మానియా విద్యార్థి జేఏసీ నేత ఇప్ప పృథ్వి రెడ్డి పిలుపునిచ్చారు. ఎమ్మెల్సీ ఎన్నికల్లో ఓటు హక్కు వినియోగించుకోవాలంటే ముందుగా ఓటర్ల జాబితాలో పేరు నమోదు చేసుకోవడం ముఖ్యమన్నారు. నిరుద్యోగులకు ఇచ్చిన హామీల అమలుపై ప్రభుత్వం సమాధానం చెప్పాలని, పట్టభద్రులు తమ ఓటు ద్వారా ప్రభుత్వాన్ని ప్రశ్నించే అవకాశం ఉందన్నారు. అర్హత కలిగిన పట్టభద్రులు నవంబర్ 6లోపు తమ పేర్లను నమోదు చేసుకోవాలని కోరారు. ఎన్నికల ఓటరు జాబితాలో పేరు లేకుంటే ఓటు వేయలేమని ఎన్నికల సంఘం కూడా స్పష్టం చేసిందని అన్నారు.