81 లక్షలతో తరగతి గదులు ప్రారంభం

రాయవరం మేజర్ న్యూస్. :  రాయవరం మండలం, కూర్మాపురం గ్రామంలో జిల్లా ప్రజా పరిషత్  ఉన్నత పాఠశాలలో "మనబడి - మన భవిష్యత్" (ఫేజ్-2) కార్యక్రమంలో భాగంగా రూ.81.00 లక్షల వ్యయంతో నూతనంగా నిర్మించిన అదనపు తరగతి గదులను రాష్ట్ర అంచనాల కమిటీ చైర్మన్, ఎమ్మెల్యే వేగుళ్ళ జోగేశ్వరరావు , మాజీ ఎమ్మెల్సీ వి.వి.వి. చౌదరితో కలసి శనివారం ప్రారంభించారు. ఈ సందర్భంగా ఎమ్మెల్యే వేగుళ్ళ మాట్లాడుతూ ప్రభుత్వ పాఠశాలల్లో కార్పొరేట్ స్థాయి వసతులు కల్పించడమే ధ్యేయంగా కూటమి ప్రభుత్వం కృషి చేస్తోందని, విద్యార్థులు ఈ సదుపాయాలను సద్వినియోగం చేసుకుని మంచి ఫలితాలు సాధించాలని ఆకాంక్షించారు. అనంతరం, స్థానిక రామాలయం వద్ద మండల నిధులు రూ.4.70 లక్షల వ్యయంతో చేపట్టనున్న నూతన షెడ్ నిర్మాణ పనులకు ఎమ్మెల్యే శంఖుస్థాపన చేశారు. ఈ కార్యక్రమంలో మతికుమిల్లి ఉదయభాస్కరరావు, గుణం పనసయ్య, రాయుడు సురేష్, కాకి లోవరాజు, గ్రామాభివృద్ధి కమిటీ సభ్యులు, విద్యా కమిటీలు, నీటి సంఘం సభ్యులు, సొసైటీ సభ్యులు, కూటమి నాయకులు, కార్యకర్తలు పాల్గొన్నారు