telanagana
తపస్ ఆధ్వర్యంలో ఘనంగా ఎల్బీశాస్త్రి జయంతి
నారాయణపేట, సూర్యన్యూస్ :
నారాయణపేట తెలంగాణ ప్రాంత ఉపాధ్యాయ సంఘం (తపస్) ఆధ్వర్యంలో అక్టోబర్ 2 జాతిపిత మహాత్మాగాంధీ, మాజీ ప్రధాని లాల్ బహుదూర్ శాస్త్రి జయంతి కార్యక్రమాలను జిల్లా కేంద్రంలో ఎంతో ఘనంగా నిర్వహించారు. ఈ కార్యక్రమంలో భాగంగా గాంధీజీ విగ్రహానికి, లాల్ బహుదూర్ శాస్త్రి చిత్రపటాలకు పూలమాలలు వేసి పూజా కార్యక్రమం నిర్వహించారు. స్వాతంత్ర సమరంలో, దేశ ప్రగతిలో ఇద్దరు మహనీయుల కృషిని జిల్లా అధ్యక్షులు నరసింహ, రాష్ట్ర నాయకులు గుంపు బాలరాజ్ ఎంతగానో కొనియాడారు. ఈ కార్యక్రమంలో తపస్ జిల్లా మండల బాధ్యులు నర్మద, మాణిక్ ప్రభు, శ్రీనివాస్, రవికుమార్ చిన్న నరసింహులు, భాస్కర్ రెడ్డి, నర్సప్ప, కనకప్ప, అశోక్, బాల మురళి,పద్మావతి, సౌభాగ్య లక్ష్మి పాల్గొన్నారు.
-- *రాజేష్ కుమార్, సూర్య రిపోర్టర్ నారాయణపేట.*
