సమస్యల పరిష్కారానికి సానుకూలంగా స్పందించిన అధికారులు

Jng-Ghanpur stn...

సమస్యల పరిష్కారానికి  సానుకూలంగా  స్పందించిన అధికారులు...

**హర్షం వ్యక్తం చేసిన 8 వ వార్డు కౌన్సిలర్ పొన్న రాజేష్**
స్టేషన్ ఘనపూర్,సెప్టెంబర్ 30,మేజర్ న్యూస్(సూర్య):
స్టేషన్ ఘనపూర్
మున్సిపాలిటీ పరిధిలోని చాగల్లులోని 8 వ వార్డులో నెలకొన్న సమస్యలను పరిష్కరించాలని వార్డు కౌన్సిలర్ పొన్న రాజేష్  మున్సిపల్ చైర్మన్ తాటికొండ వినయ్ కుమార్,కమీషనర్ రాధాకృష్ణ దృష్టికి తీసుకువెళ్లడం జరిగింది.ఈ మేరకు కమిషనర్ రాధాకృష్ణ బుధవారం మున్సిపాలిటి సిబ్బందితో కలిసి వార్డులో పర్యటించి సమస్యలను తెలుసుకున్నారు.
ముఖ్యంగా వార్డు కౌన్సిలర్ పొన్న రాజేష్ కోరిక మేరకు
రానున్న బతుకమ్మ పండుగ దృష్ట్యా బతుకమ్మ ఆడే స్థలాన్ని చదును చేసి లైటింగ్ ఏర్పాటు చేయాలని అలాగే కోతుల వల్ల ఎటువంటి ఇబ్బందులు తలెత్తకుండా మంచినీళ్ల బావిపై శాశ్విత  కప్పు ఏర్పాటు చేయాలని,మినీ వాటర్ ట్యాంక్ చుట్టూ సీసీ వేయించి నీరు నిలువలేకుండా చూడాలని,శిథిలావస్థకు చేరుకున్న పశువుల ఆసుపత్రి భవనాన్ని తొలగించాలని కమిషనర్ రాధాకృష్ణ ఏఈ అనిల్ ను ఆదేశించారు. అదేవిధంగా  గ్రామంలో పందులు సంచరించకుండా చూడాలని లేని యెడల చర్యలు తప్పవని కమిషనర్ పందుల యజమానిని హెచ్గారించారు.
సమస్యలను కమిషనర్ దృష్టికి తీసుకు వెళ్లిన వెంటనే సానుకూలంగా స్పందించి వాటి పరిష్కారానికి ఆదేశాలు జారీచేసినందుకు గాను వార్డు కౌన్సిలర్ పొన్న రాజేష్ హర్షం వ్యక్తం చేశారు.
ఈ కార్యక్రమంలో వార్డు కౌన్సిలర్ బాలగాని అనిల్ గౌడ్, మున్సిపాలిటీ సిబ్బంది శ్రీనివాస్,సందీప్, తదితరులు పాల్గొన్నారు.