గ్రీన్ ఫీల్డ్ హైవే పై లారీ బోల్తా

ఐదు కిలోమీటర్ల మేర ట్రాఫిక్ జామ్

ఉమ్మడి ఖమ్మం జిల్లా బ్యూరో /పెనుబల్లి సూర్య మేజర్ న్యూస్....

గ్రీన్ ఫీల్డ్ హైవేపై భారీ ట్రాఫిక్ జామ్ ఏర్పడింది. గ్రీన్‌ఫీల్డ్ హైవేపై వేంసూర్ ఎగ్జిట్ సమీపంలో ట్రాలీ లారీ అదుపుతప్పి రోడ్డుపై అడ్డంగా బోల్తా పడటంతో హైవేపై  ఒక వైపు వాహనాలు నిలిచిపోవడంతో ప్రయాణికులు తీవ్ర ఇబ్బందులు ఎదుర్కొంటున్నారు.  ఖమ్మం నుండి సత్తుపల్లి కి రోడ్డు రోలర్లను తీసుకు వెళ్తున్న ట్రాలీ లారీ  అదుపు తప్పి రైలింగ్ ను బలంగా ఢీకొట్టి ప్రమాదానికి గురై ట్రాలీ లారీ బోల్తా పడింది. ట్రాలీ లారీ పైన గల రోడ్ రోలర్లు కూడా రోడ్డుపై పడిపోవడంతో రాకపోకలు పూర్తిగా ఒకవైపు స్తంభించిపోయాయి. ఐదు కిలోమీటర్ల మేర భారీగా వాహనాలు నిలిచిపోయాయి. సమాచారం అందుకున్న పోలీసులు వెంటనే ఘటనా స్థలానికి చేరుకుని గ్రీన్ ఫీల్డ్ హైవే సిబ్బందితో కలిసి సహాయక చర్యలు చేపట్టారు. క్రేన్లను రప్పించి, రోడ్డుపై అడ్డంగా ఉన్న లారీని, రోడ్డు రోలర్లను పక్కకు తొలగించి ట్రాఫిక్ ని పునరుద్ధరించారు.