రబీ సీజన్‌లో పంటల ప్రణాళికపై రైతులకు అవగాహన
రాయికోడ్, ; తెలంగాణ రాష్ట్ర ప్రభుత్వం ప్రతిష్ఠాత్మకంగా చేపట్టిన రైతు నేస్తం కార్యక్రమాన్ని సోమవారం రాయికోడ్ మండల కేంద్రంలోని రైతు వేదికలో నిర్వహించారు. ఈ సందర్భంగా ముఖ్యమంత్రి సందేశాన్ని రైతులకు ప్రత్యక్ష ప్రసారం ద్వారా వివరించారు.
ప్రస్తుత ఎల్‌నినో పరిస్థితులను దృష్టిలో ఉంచుకొని రానున్న రబీ సీజన్‌కు పంటల ప్రణాళిక రూపొందించుకోవాలని అధికారులు రైతులకు సూచించారు. పంటల వైవిధ్యీకరణ, వాతావరణ పరిస్థితులకు అనుగుణంగా అనువైన పంటల ఎంపిక, వ్యవసాయ రంగంలో ఆధునిక సాంకేతిక పరిజ్ఞానం వినియోగం, శాస్త్రీయ సాగు పద్ధతులపై అవగాహన కల్పించారు. పంటల సాగులో సరైన యాజమాన్య పద్ధతులను పాటించడం ద్వారా అధిక దిగుబడులు సాధించవచ్చని తెలిపారు.
ప్రభుత్వం రైతుల సంక్షేమం కోసం అమలు చేస్తున్న పథకాలు, వ్యవసాయ శాఖ ద్వారా చేపడుతున్న కార్యక్రమాలు, రైతులకు అందుబాటులో ఉన్న సేవలను వివరించారు. వ్యవసాయంలో ఎదురయ్యే సమస్యలను సంబంధిత అధికారుల దృష్టికి తీసుకువచ్చి, వారి సలహాలు, సూచనలను పాటించాలని సూచించారు. ప్రభుత్వం అందిస్తున్న పథకాలను సద్వినియోగం చేసుకొని వ్యవసాయ అభివృద్ధికి కృషి చేయాలని రైతులకు పిలుపునిచ్చారు.ఈయొక్క కార్యక్రమంలో ఆత్మ కమిటీ చైర్మన్ కచూర్ రావు, దేవాదాయ శాఖ చైర్మన్ సతీష్, రాయికోడ్ మండల కాంగ్రెస్ పార్టీ అధ్యక్షుడు కేదార్‌నాథ్ పాటిల్, మండల వ్యవసాయ అధికారి సారిక, వ్యవసాయ విస్తరణ అధికారులు నిఖిలేష్, అర్చన శ్రీ, కల్పనతో పాటు పలువురు రైతులు తదితరులు పాల్గొన్నారు.
