మధుర మీనాక్షి అలంకారంలో చౌడేశ్వరి దేవి!

పుంగనూరు మేజర్ న్యూస్: మండల పరిధి లోని చదళ్ల గ్రామంలో కొలువుదీరిన  సప్తమాతృక సమేత  చౌడేశ్వరి దేవి నవరాత్రి  ఉత్సవాల్లో భాగంగా మంగళవారం అమ్మవారు మధుర మీనాక్షి దేవిగా భక్తులకు దర్శనమిచ్చారు. ఆలయ వ్యవస్థాపకులు డాక్టర్ ఎన్. వేణుగోపాల్ రెడ్డి ఆధ్వర్యంలో ప్రత్యేక పూజలు, హోమాలు నిర్వహించారు.అమ్మవారి ఆలయాన్ని వివిధ రాష్ట్రాల నుంచి తెప్పించిన సువాసనభరిత పుష్పాలతో సుందరంగా అలంకరించారు. ఆలయ వ్యవస్థాపకులు వేణుగోపాల్ రెడ్డి దంపతులు గణపతి పూజ, గణపతి హోమం, శ్రీ సుబ్రహ్మణ్య స్వామిహోమం,పుణ్యాహవచనం,సప్తమాతృకల ఆరాధన, హోమాలతో పాటు  చౌడేశ్వరి దేవి మూలమంత్ర హోమయాగం నిర్వహించారు. అనంతరం అమ్మవారిని మధుర మీనాక్షి దేవిగా ప్రత్యేకంగా అలంకరించి భక్తులకు దర్శనం కల్పించారు.ఈ సందర్భంగా వేణుగోపాల్ రెడ్డి మాట్లాడుతూ భక్తులు ఉత్సవాల్లో పాల్గొని అమ్మవారి కృపకు పాత్రులు కావాలని కోరారు. 

రిపోర్టర్ రెడ్డి గౌని రెడ్డప్ప పుంగనూరు నియోజకవర్గం అన్నమయ్య జిల్లా