మున్సిపల్ ఇండోర్ స్టేడియం ప్రారంభించిన జిల్లా కలెక్టర్ చదలవాడ నాగరాణి, ఎమ్మెల్యే బొలిశెట్టి శ్రీనివాస్

తాడేపల్లిగూడెం, సూర్య న్యూస్; తాడేపల్లిగూడెం పట్టణ ప్రజల, క్రీడాకారుల చిరకాల కోరిక అయిన మున్సిపల్ ఇండోర్ స్టేడియం ఎట్టకేలకు ప్రారంభమైంది. తాడేపల్లిగూడెం మున్సిపాలిటీ పరిధిలో నూతనంగా నిర్మించిన ఇండోర్ స్టేడియాన్ని పశ్చిమ గోదావరి జిల్లా కలెక్టర్ చదలవాడ నాగరాణి, తాడేపల్లిగూడెం ఎమ్మెల్యే బొలిశెట్టి శ్రీనివాస్ సంయుక్తంగా రిబ్బన్ కట్ చేసి ప్రారంభించారు. కలెక్టర్ చదలవాడ నాగరాణి మాట్లాడుతూ యువత చెడు వ్యసనాలకు బానిస కాకుండా క్రీడల వైపు మళ్లాలని, ప్రభుత్వం కల్పిస్తున్న ఇలాంటి వసతులను సద్వినియోగం చేసుకోవాలని సూచించారు. ఈ సందర్భంగా ఎమ్మెల్యే బొలిశెట్టి శ్రీనివాస్ మాట్లాడుతూ తాడేపల్లిగూడెం లో క్రీడా ప్రతిభకు కొదవ లేదని, అయితే సరైన వసతులు లేక యువత ఇబ్బంది పడుతోందన్నారు. కూటమి ప్రభుత్వం అధికారంలోకి వచ్చాక యువతకు, క్రీడాకారులకు అవసరమైన అన్ని వసతులు కల్పిస్తున్నామన్నారు. ఈ ఇండోర్ స్టేడియంలో బ్యాడ్మింటన్, టేబుల్ టెన్నిస్, చెస్, క్యారమ్స్. యోగ , వంటి క్రీడలు ఆడుకునేందుకు అన్ని ఏర్పాట్లు చేశామన్నారు. ఈ కార్యక్రమంలో జాయింట్ కలెక్టర్ కల్పశ్రీ , మున్సిపల్ కమిషనర్, ఎం. ఏసుబాబు, కూటమి నాయకులు, అధికారులు, క్రీడాకారులు, విద్యార్థులు పాల్గొన్నారు.

 రిపోర్టర్ శ్రీనివాస్ తాడేపల్లిగూడెం పశ్చిమగోదావరి జిల్లా