జంగారెడ్డిగూడెం మున్సిపల్ చైర్మన్ రేసులో రొంగల అనూష

జంగారెడ్డిగూడెం సూర్య న్యూస్: గ్రేడ్‌-1 మున్సిపాలిటీ చైర్మన్‌ పదవికి వెలమ సామాజిక వర్గానికి చెందిన రొంగల అనూష పేరును వెలమ సంక్షేమ సంఘం ప్రతిపాదించింది. జిల్లా వెలమ సంక్షేమ సంఘం ఉపాధ్యక్షుడు డా. రాజాన సత్యనారాయణ (పండు) సారథ్యంలో వెలమ సంఘీయులు సమావేశమై, తెలుగుదేశం పార్టీ తరఫున అనూషను ఏకగ్రీవంగా ఎంపిక చేసినట్లు సంఘం ప్రతినిధులు తెలిపారు.బీఎస్సీ కంప్యూటర్స్ పూర్తి చేసిన 30 ఏళ్ల రొంగల అనూషకు టీడీపీ తరఫున మున్సిపల్ చైర్మన్ టికెట్ కేటాయించాలని కోరుతూ పోలవరం ఎమ్మెల్యే సొంగా రోషన్ కుమార్‌కు డాక్టర్ రాజాన సత్యనారాయణ చేతుల మీదుగా దరఖాస్తు అందజేసినట్లు వెల్లడించారు. పార్టీ అధిష్ఠానం తమ అభ్యర్థనను పరిశీలించి అనూషకు అవకాశం కల్పించాలని వెలమ సంక్షేమ సంఘం కోరింది.చైర్మన్ అభ్యర్థిగా అనూష పేరును సంఘం ప్రతిపాదించిన నేపథ్యంలో టీడీపీ అధిష్ఠానం నిర్ణయంపై ఆసక్తి నెలకొంది.

 రిపోర్టర్ కె వి రమణ రావు జంగారెడ్డిగూడెం ఏలూరు జిల్లా