చీపురుపల్లి రెడ్ క్రాస్ బ్లడ్ స్టోరేజ్ కేంద్రం పరిశీలన

చీపురుపల్లి సూర్య: ఇండియన్ రెడ్ క్రాస్ బ్లడ్ బ్యాంక్ ను  రెడ్ క్రాస్ రాష్ట్ర జనరల్ సెక్రటరీ, సీఈవో అనిల్ కుమార్ ఫరీద మంగళవారం సందర్శించారు . బ్లడ్ స్టోరేజ్ కేంద్రంలోని అన్ని విభాగాలను సందర్శించి సంతృప్తి వ్యక్తం చేశారు. కేంద్రంలో మరిన్ని కార్యక్రమాలు చేయుటకు అన్ని విధాల సహకరిస్తామని, నూతన కమిటీ చక్కగా పనిచేస్తుందని అభినందించారు. అనంతరం అక్కడ సేవలందిస్తున్న వారిని ప్రశంసిస్తూ మరింత ముందుకు తీసుకువెళ్లాలని సూచించారు. అతనితో పాటు జిల్లా ఛైర్మన్  కంది వెంకటరమణ, సెక్రెటరీ కె.సత్యం, ట్రెజరర్ పి విశ్వేశ్వరరావు,  బ్లడ్ బ్యాంక్ డివిజన్ ప్రతినిధులు, కార్యాలయ సిబ్బంది  ఉన్నారు. అనంతరం కార్యాలయం ఆవరణలో మొక్కలు నాటారు.