జెండర్ రిసోర్స్ సెంటర్ ప్రారంభం

చీపురుపల్లి సూర్య న్యూస్;స్థానిక మండల సమాఖ్య కేంద్రంలో  జెండర్ రిసోర్స్ సెంటర్‌ను ప్రారంభించారు. టీడీపీ రాష్ట్ర కార్యనిర్వహక కార్యదర్శి కిమిడి రామ్ మల్లిక్ నాయుడు మంగళవారం ప్రారంభించారు. దంపతుల మధ్య తలెత్తే విభేదాలను కౌన్సెలింగ్ ద్వారా పరిష్కరించి, కుటుంబాల్లో సఖ్యతను పెంపొందించడంలో  ఈ కేంద్రం కీలకంగా వ్యవహరించనుంది. కాగా విద్యుత్ శాఖలో పనిచేసి విధుల్లో మరణించిన ఉద్యోగి కుటుంబ సభ్యులకు  కారుణ్య నియామకాల కింద సుజాతకి జూనియర్ అసిస్టెంట్‌గా,  హరిబాబు కి ఆఫీస్ సబార్డినేట్‌గా నియామక పత్రాలను రామ్ మల్లిక్ నాయుడు అందజేశారు. అలాగే 

ప్రభుత్వం కెఎన్ఎం రకం సన్న బియ్యం 26 కేజీలు బ్యాగ్ బియ్యం రూ.2,250 విలువ చేసేది రూ.1300 కి   రూ.950 సబ్సిడీ తో ఇచ్చే కార్యక్రమాన్ని స్థానిక వ్యవసాయ మార్కెట్ కమిటీ ఆధ్వర్యంలో స్థానిక రైతు బజారులో  రామ్ మల్లిక్ నాయుడు ప్రారంభించారు. కార్యక్రమంలో టీడీపీ నాయకులు రౌతు కాము నాయుడు, ఆలయ కమిటీ చైర్మన్ గవిడి నాగరాజు, రేగాన రామారావు, వలిరెడ్డి శ్రీనివాస నాయుడు, రామచంద్రుడు ఇజ్జిరోతు రాంబాబు, అధికారులు పాల్గొన్నారు.