ప్రతి ఇంటికీ ఇంకుడు గుంత నిర్మించుకోవాలి

సూర్య, ముస్తాబాద్:రాజన్న సిరిసిల్ల జిల్లా ముస్తాబాద్ మండలం బంధనకల్ గ్రామపంచాయతీని డీపీఓ ఇన్‌చార్జి వీరభద్రయ్య సాధారణ తనిఖీ చేశారు.ఈ సందర్భంగా గ్రామపంచాయతీలో చేపడుతున్న పారిశుద్ధ్య కార్యక్రమాలు,ఇతర నిర్వహణ అంశాలను పరిశీలించారు.రానున్న రోజుల్లో ఎల్‌నినో ప్రభావం ఎక్కువగా ఉండే అవకాశం ఉన్నందున నీటి సంరక్షణకు ప్రాధాన్యత ఇవ్వాలని సూచించారు.గ్రామంలోని ప్రతి ఇంటి వద్ద ఇంకుడు గుంత నిర్మించుకునేలా ప్రజలకు అవగాహన కల్పించాలని అధికారులకు సూచించారు.అలాగే ప్రతి ఇంటి నంబర్‌కు ఫోన్ నంబర్‌ను అనుసంధానం చేయాలని తెలిపారు.గ్రామంలో పారిశుద్ధ్య నిర్వహణపై ప్రత్యేక దృష్టి సారించి,పరిసరాలను పరిశుభ్రంగా ఉంచేలా చర్యలు తీసుకోవాలని సూచించారు.