మిడ్ మానేరు జలాశయానికి కొనసాగుతున్న ఇన్‌ఫ్లో.. దిగువకు విడుదల

సిరిసిల్ల, సూర్య ప్రతినిధి : మిడ్‌మానేరు జలాశయానికి వరద నీటి ప్రవాహం కొనసాగుతోంది. గాయత్రి పంప్‌హౌస్‌ ద్వారా, అలాగే మానేరు మూలవాగు నుంచి మిడ్‌మానేరు జలాశయంలోకి నీరు చేరుతోంది.

ప్రస్తుతం జలాశయానికి 14,400 క్యూసెక్కుల ఇన్‌ఫ్లో వస్తుండగా, 18,000 క్యూసెక్కుల ఔట్‌ఫ్లో కొనసాగుతోంది. మిడ్‌మానేరు జలాశయం పూర్తిసామర్థ్యం 27.55 టీఎంసీలు కాగా, ప్రస్తుతం 24.61 టీఎంసీల నీటి నిల్వ ఉంది.

ఎగువ ప్రాంతాల నుంచి వరద నీటి ప్రవాహం కొనసాగుతుండటంతో జలాశయంలో నీటి నిల్వలు, ఇన్‌ఫ్లో, ఔట్‌ఫ్లోను అధికారులు నిరంతరం పర్యవేక్షిస్తున్నారు.