తెలంగాణ ఇన్‌సర్వీస్‌ ఉపాధ్యాయుల టెట్‌ ఫలితాలు విడుదల

హైదరాబాద్‌, సూర్య ప్రతినిధి : తెలంగాణలో ఇన్‌సర్వీస్‌ ఉపాధ్యాయుల కోసం నిర్వహించిన ఉపాధ్యాయ అర్హత పరీక్ష ఫలితాలు విడుదలయ్యాయి. ఈ పరీక్షలో 70.07 శాతం మంది ఉత్తీర్ణత సాధించారు. మొత్తం 15,749 మంది ఉపాధ్యాయులు టెట్‌లో అర్హత సాధించారు.

ఇన్‌సర్వీస్‌ ఉపాధ్యాయులకు ప్రత్యేకంగా ప్రతి ఏడాది రెండుసార్లు టెట్‌ నిర్వహించనున్నట్లు అధికారులు తెలిపారు. ఇందులో భాగంగా అక్టోబర్‌ 1న తదుపరి ఇన్‌సర్వీస్‌ ఉపాధ్యాయుల టెట్‌ నోటిఫికేషన్‌ విడుదల కానుంది. అనంతరం నవంబర్‌లో రెండో టెట్‌ నిర్వహించేందుకు ఏర్పాట్లు చేస్తున్నారు.

ఇన్‌సర్వీస్‌ ఉపాధ్యాయులకు టెట్‌ అర్హత సాధించే అవకాశం మరింతగా కల్పించేందుకు ప్రతి ఏడాది రెండుసార్లు పరీక్ష నిర్వహించేలా ప్రభుత్వం చర్యలు చేపడుతోంది.