​రేవంత్ రెడ్డి కంటపడింది.. సిరిసిల్ల ప్రజల పంట పండింది!

​సూర్య రాజన్న సిరిసిల్ల:

​ఈ నెల 30న ముఖ్యమంత్రి ఎనుముల రేవంత్ రెడ్డి సిరిసిల్ల పర్యటన నేపథ్యంలో పట్టణంలో నిర్వహించిన పార్టీ సన్నాహక సమావేశంలో రాష్ట్ర మంత్రులు తుమ్మల నాగేశ్వరరావు, దుద్దిళ్ల శ్రీధర్ బాబు పాల్గొని దిశానిర్దేశం చేశారు. ముఖ్యమంత్రి దృష్టి పడడంతోనే సిరిసిల్ల ప్రాంతానికి అభివృద్ధి, సంక్షేమం వరదలా కొనసాగుతోందని వారు పేర్కొన్నారు. గత ప్రభుత్వం బకాయి పెట్టిన 370 కోట్ల రూపాయలకు పైగా నిధులు విడుదల చేయడంతో పాటు 6 కోట్ల 30 లక్షల మీటర్ల ఇందిరమ్మ చీరల తయారీ ఒప్పందాన్ని అందించి నేత కార్మికులను ఆదుకున్నామని తెలిపారు. అలాగే వేములవాడ రాజన్న ఆలయానికి 250 కోట్ల రూపాయలు, సమీకృత గురుకుల పాఠశాలలను మంజూరు చేసినట్లు వివరించారు. ముఖ్యమంత్రి తొలిసారి సిరిసిల్లకు వస్తున్నందున నిర్వహించే బహిరంగ సభను లక్ష మందితో విజయవంతం చేసి కార్మికులు తమ సంఘీభావం తెలపాలని, భవిష్యత్తులో ఈ ప్రాంతంలో కాంగ్రెస్ జెండా ఎగురవేయడానికి ప్రతి కార్యకర్త కృషి చేయాలని మంత్రులు పిలుపునిచ్చారు.