గణేష్ ఉత్సవాల్లో పాల్గొన్న మాజీ ఎమ్మెల్యే జక్కంపూడి రాజా

*గణేష్ ఉత్సవాల్లో పాల్గొన్న జక్కంపూడి రాజా*

గాడాల గ్రామంలోని పాలచర్ల రోడ్డులో నిర్వహిస్తున్న గణపతి నవరాత్రి ఉత్సవాల్లో వైఎస్ఆర్ కాంగ్రెస్ పార్టీ యువజన విభాగం రాష్ట్ర అధ్యక్షులు, మాజీ ఎమ్మెల్యే జక్కంపూడి రాజా శనివారం పాల్గొన్నారు. ఈ సందర్భంగా గణపతిని దర్శించుకుని ప్రత్యేక పూజలు నిర్వహించి, తీర్థప్రసాదాలు స్వీకరించారు. అనంతరం ఉత్సవ కమిటీ నిర్వాహకులు జక్కంపూడి రాజాను ఘనంగా సత్కరించారు. అనంతరం నిర్వహించిన అన్నదాన కార్యక్రమంలో జక్కంపూడి రాజా పాల్గొని భక్తులకు స్వయంగా అన్నదానం నిర్వహించారు. ఈ కార్యక్రమంలో స్థానిక వైఎస్ఆర్ కాంగ్రెస్ పార్టీ నాయకులు, కార్యకర్తలు, ఉత్సవ కమిటీ సభ్యులు పాల్గొన్నారు.