మర్పల్లి మండలంలో 48 రీఛార్జ్ బోర్‌వెల్ నిర్మాణాలకు మంజూరు
మర్పల్లి, మేజర్ న్యూస్: భూగర్భ జలాలను పెంపొందించి, వర్షపు నీటిని భూమిలోకి ఇంకించే లక్ష్యంతో ప్రభుత్వం రీఛార్జ్ బోర్‌వెల్ నిర్మాణాలను ప్రోత్సహిస్తోంది. ఈ పథకం కింద ఒక్కో రీఛార్జ్ బోర్‌వెల్ నిర్మాణానికి రూ.25 వేల చొప్పున చెల్లించనుండగా, మర్పల్లి మండలంలో ఇప్పటివరకు మొత్తం 48 నిర్మాణాలకు మంజూరు లభించింది. ప్రభుత్వ స్థలాల్లో ఉన్న సామూహిక బోర్ల వద్ద ఈ నిర్మాణాలు చేపట్టవచ్చని, జాబ్ కార్డు కలిగిన ప్రైవేట్ రైతులు తమ వ్యవసాయ బోర్ల వద్ద కూడా పనులు చేసుకోవచ్చని అధికారులు తెలిపారు.మండలంలోని మర్పల్లి గ్రామ పంచాయతీ పరిధిలో రెండు, పెళ్లిగుండ్లలో ఐదు, గుండ్లమర్పల్లిలో రెండు, పట్లూర్ గ్రామ పంచాయతీ పరిధిలో మూడు రీఛార్జ్ బోర్‌వెల్ నిర్మాణ పనులు ప్రారంభమయ్యాయి. ఆయా గ్రామాల్లో పనుల పురోగతిని ఎంపీడీవో పరిశీలించారు. అర్హులైన రైతులు ఈ అవకాశాన్ని సద్వినియోగం చేసుకోవాలని అధికారులు సూచించారు.ఈ కార్యక్రమంలో ఎంపీఓ శ్రీనివాస్, ఇన్‌చార్జి ఈసీ భాస్కర్, టీఏ భగవంత్ రెడ్డి, పంచాయతీ కార్యదర్శి నరసింహులు, ఏపీఓ అంజిరెడ్డి, గ్రామస్తులు పాల్గొన్నారు.
రిపోర్టర్:రాములు, మర్పల్లి, వికారాబాద్ జిల్లా.
