బాల్య వివాహాలపై అవగాహన

నగరం, మేజర్ న్యూస్: 
2030 సంవత్సరం నాటికి బాల్యవివాహాలను అంతం చేయాలనే లక్ష్యాన్ని కేంద్ర మహిళా శిశు అభివృద్ధి, పంచాయతీరాజ్ శాఖలు చేపట్టిన చారిత్రాత్మక కార్యక్రమం విజయవంతం చేసేందుకు తమ మద్దతు, సహకారం పూర్తిగా అందజేస్తామని స్థానిక సొసైటీ ఫర్ ఇంటిగ్రేటెడ్ రూరల్ డెవలప్ మెంట్ (సిఫార్డు) సంస్థ డైరెక్టర్ కె. రవి ప్రదీప్ హామీ ఇచ్చారు. అంతర్జాతీయ బాలికా దినోత్సవం సందర్భంగా ఆదివారం స్థానిక మండల పరిధిలోని నగరం ఎస్టీ కాలనీ, దాసరిపాలెం, ఏలేటిపాలెం తదితర గ్రామాల్లో బాలికలకు అవగాహన కార్యక్రమం నిర్వహించారు. పాఠశాల విద్యార్థులకు విజయదశమి సెలవులు కారణంగా మారుమూల ప్రాంతాలకు చెందిన బాలికలను ఒక చోట చేర్చి వారికి అవగాహన కల్పించారు. అనంతరం 18 సంవత్సరాలు నిండిన తరువాతే వివాహం చేసుకుంటామని బాలికలు ప్రతిజ్ఞ చేశారు. కార్యక్రమంలో కోఆర్డినేటర్ బడుగు కిషోర్ వాలంటీర్లు శ్రీనివాసరావు దేవయ్య తదితరులు పాల్గొన్నారు.