లోక్ భవన్ ముట్టడిలో పాల్గొన్న రంగారెడ్డి DCC చీఫ్ పారిజాత

• కేంద్ర ఎన్నికల కమిషనర్ జ్ఞానేష్ కుమార్ రాజీనామా చేయాలని డిమాండ్

కేంద్ర ఎన్నికల కమిషనర్ జ్ఞానేష్ కుమార్ తక్షణమే తన పదవికి రాజీనామా చేయాలని డిమాండ్ చేస్తూ, 'ఇండియా' కూటమి మరియు ఏఐసీసీ (AICC) పిలుపు మేరకు కాంగ్రెస్ పార్టీ ఆధ్వర్యంలో చేపట్టిన లోక్ భవన్ ముట్టడి కార్యక్రమం విజయవంతమైంది. టీపీసీసీ అధ్యక్షుడు బొమ్మ మహేష్ కుమార్ గౌడ్ నేతృత్వంలో నిర్వహించిన ఈ నిరసన ప్రదర్శనలో కాంగ్రెస్ శ్రేణులు పెద్ద సంఖ్యలో పాల్గొని తమ నిరసన గళాన్ని వినిపించాయి.

ఈ నిరసన కార్యక్రమంలో రంగారెడ్డి జిల్లా డీసీసీ అధ్యక్షురాలు చిగిరింత పారిజాత నర్సింహారెడ్డి పాల్గొని, కేంద్ర ఎన్నికల కమిషన్ తీరుపై తీవ్ర ఆగ్రహం వ్యక్తం చేశారు. ప్రజాస్వామ్య విలువలను కాపాడటంలో ఈసీ విఫలమైందంటూ ఆమె ధ్వజమెత్తారు. ఈ నిరసన ప్రదర్శనలో జాతీయ మరియు రాష్ట్ర స్థాయి నాయకులు పెద్దఎత్తున పాల్గొనడం జరిగింది. ఈ కార్యక్రమంలో ఏఐసీసీ కార్యదర్శి, కోఆర్డినేటర్ సచిన్ సావంత్, రాష్ట్ర ప్రభుత్వ మంత్రులు, పలువురు ఎమ్మెల్యేలు, ఎమ్మెల్సీలు, రాష్ట్ర స్థాయి కాంగ్రెస్ ముఖ్య నేతలు ఈ ముట్టడి కార్యక్రమంలో పాల్గొని కేంద్ర ప్రభుత్వానికి వ్యతిరేకంగా నినాదాలు చేశారు.
పోలీసుల అడ్డంకులను, ఆంక్షలను సైతం లెక్కచేయకుండా లోక్ భవన్ ముట్టడి కార్యక్రమం నిర్వహించారు. ప్రజాస్వామ్య పరిరక్షణ కోసం తమ పోరాటం నిరంతరం కొనసాగుతుందని డిసిసి అధ్యక్షురాలు స్పష్టంచేశారు.

• S.గణేష్ : మేజర్ న్యూస్, రంగారెడ్డి జిల్లా ప్రతినిధి.